İqtisadi Tədqiqatlar Mərkəzinin (İTM) təsisçisi və İdarə Heyətinin üzvü Qubad İbadoğlu Mədən Sənayesində Şəffaflıq Təşəbbüsünün (EİTİ) Beynəlxalq İdarə Heyətinə üzv seçilib. Burda o, 2 il çalışacaq.
İlk dəfə Azərbaycan təmsilçisi 160-dan yuxarı üzvü olan təşkilatın rəhbər heyətinə seçilir. Bu, hökumətlə daha sıx işləmək və dünya ictimaiyyətini yerli hökumətin şəffaflıq üzrə beynəlxalq təşəbbüslərə qoşulması tempi barədə operativ işıqlandırmaq imkanı verəcək.
Mədən sənayesi haqda qaydalara əsasən, hökumət və şirkətlər gəlirlər barədə hesabatları açıqlamalı, sosial məsuliyyət siyasəti həyata keçirməli, yerli və beynəlxalq ictimaiyyət üçün QHT-lərin timsalında açıqlıq nümayiş etdirməli, vətəndaş cəmiyyəti proseslərə nəzarət etməlidir.
Turan əvvəllər məlumat vermişdi ki, Azərbaycanda mədən sənayesi iqtisadiyyatın ən qapalı sahələrindəndir. Büdcədən investisiya xərclərinin çoxu hasilat sənayesinin payına düşür. --17D—
İqtisadiyyat
-
İqtisadiyyat Nazirliyində yerli istehsalın stimullaşdırılması və ixrac potensialının genişləndirilməsi yollarının araşdırılması məqsədilə iyulun 26-da qeyri-neft sənayesi sahibkarları ilə görüş keçirilib.
-
Azərbaycanın internet provayderləri “Aztelekom” və “Baktelekom” avqustun 15-də qiymət strukturunda böyük dəyişikliklər edəcək. Yeni tariflərə əsasən, minimum internet sürəti 100 Mbit/s-dək artacaq, Mbit/s-nin qiyməti 0,45 AZN-dən 0,25 AZN-ə enəcək. Müvafiq olaraq, ödəniş 100 Mbit/s üçün 25 AZN, 150 Mbit/s üçün 30 AZN, 250 Mbit/s üçün 36 AZN-ə uyğunlaşdırılacaq.
-
Müstəqil ekspertlər Azərbaycanın ticarət dövriyyəsinin və ödəniş profisitinin azalması səbəbindən öz valyutası manatın növbəti devalvasiyası ərəfəsində ola biləcəyini ehtimal edirlər. Gözlənilən iqtisadi düzəlişlər valyuta axınının azalması və neft hasilatının azalması fonunda baş verir.
-
Azərbaycanın Xarici İşlər Naziri Ceyhun Bayramov bu gün Azərbaycan Xarici İşlər Nazirliyində Somalinin Xarici İşlər və Beynəlxalq Əməkdaşlıq Naziri Əhməd Moallim Figi ilə görüşüb. Bu görüş, əvvəlki gün Figi ilə Azərbaycanın İqtisadiyyat Naziri Mikail Cabbarov arasında keçirilmiş müzakirələrdən sonra baş tutub.
Rəy yaz