Azərbaycana gələn əcnəbilərin sayı 8,4% azalıb
Dövlətstatkom 2014-cü ildə Azərbaycana gələn əcnəbilər və xaricə gedən Azərbaycan vətəndaşları barədə statistikanı açıqlayıb. Ötən il Azərbaycana gələn əcnəbilərin sayı 8,4% azalıb. Bu, əsasən Rusiya vətəndaşı olan soydaşlarımızın maliyyə vəziyyətinin pisləşməsi ilə bağlıdır.
Ötən il Azərbaycana 2 mln 297,8 min əcnəbi gəlib. Bu, 2013-cü ildəkindən 211 min azdır. RF-dən Azərbaycana 843,8 min nəfər gəlib. Bu, əvvəlki ildəkindən 60 min azdır. 0,5 mln etnik azərbaycanlı yaşayan Gürcüstandan ölkəmizə 699,5 min nəfər gəlib. Bu, 2013-cü ildəkindən 110,9 min azdır.
Cəmi RF, Gürcüstan, Türkiyə və İranın payına 1,6 mln turist düşür. Maraqlıdır ki, 2013-cü ildə turistlərdə bu ölkələrin payı 87,5% (1 862,8 min nəfər) idisə, ötən il 74% (1,6 mln) olub. Başqa sözlə, xarici turistlərin coğrafiyası başqa ölkələrin hesabına genişlənib.
DSK turist kateqoriyasına 2 159,2 min nəfəri (+1,4%) daxil edib. Bunun 670,5 mini (+3,3%) Azərbaycana biznes və işgüzar iş üçün, 709,9 min (0,6%) istirahət və əyləncəyə gəlib. Qohum və dostalrın yanına 677,1 min əcnəbi gəlib. Bu, bir il öncəkindən 0,5% çoxdur.
DSK-nın hesablamasına görə, ötən il turistlər Azərbaycanda 1 mlrd 281,2 mln манат (adama 593 manat, +3 manat) xərcləyib. Bu, 2013-cü ildəkindən 2,1% çoxdur. Nəqliyyat üçün 43,9%, yerləşdirmə üçün 28,2%, qidalanma üçün 22,2% və s xərclənib.
Ötən il 4 244,3 min Azərbaycan vətəndaşı xaricə gedib. Səfər intensivliyi 1% azalıb. Turizm xidməti xərcləri 1 mlrd 888,5 mln manat olub. Bu, 2013-cü ildəkindən 1,4% çoxdur. 08B
-
- Foto sessiyalar
- 26 May 2015 12:49
-
- İqtisadiyyat
- 26 May 2015 13:13
İqtisadiyyat
-
Azərbaycan Prezidenti İlham Əliyev, Dövlət Gömrük Komitəsinin xaricdə və beynəlxalq təşkilatlarda nümayəndələrinin rolunu və təyinatını tənzimləyən iki prezident fərmanına dəyişikliklər imzalayıb.
-
Auditorlar Palatasına görə, 2023-cü ildə Azərbaycanda audit təşkilatları və müstəqil auditorlar 133.2 milyon manat (78.4 milyon dollar) dəyərində 7,232 müqavilə bağlayıb, bu da müqavilələrin sayında 20% və ümumi dəyərində isə 7.1% artımı əks etdirir.
-
Qobustan Günəş Elektrik Stansiyası layihəsi üzrə hərrac iştirakçılarının təqdim etdikləri təkliflərin qiymətləndirilməsi üçün, Avropa Yenidənqurma və İnkişaf Bankının (AYİB) dəstəyi ilə hərrac komissiyasının üçüncü iclası keçirildi. İclasda əsas diqqət ilkin uyğunluğun müəyyənləşdirilməsi və hərrac qalibinin seçilməsinə yönəldilib, bu barədə Bərpa Olunan Enerji Mənbələri üzrə Dövlət Agentliyi məlumat verib.
-
Bu yaxınlarda Azərbaycanın “Qarabağ” gəmisinin adının dəyişdirilərək “Mingəçevir” olmasında heç bir sensasiya yoxdur, yeni ad gəmiyə iki gəminin eyni ad altında işləməməsi üçün verilib, deyə Azərbaycan Xəzər Dəniz Gəmiçiliyinin (ASCO) Ticarət Donanmasında “Turan”a məlumat verilib.
Rəy yaz