Azərbaycanda lotereya keçirilməsinin yeni qaydaları qəbul edilib

Qiymətli Kağızlar üzrə Dövlət Komitəsi (QKDK) mayın əvvəlində «Lotereyaların təşkili və keçirilməsi qaydaları»nı təsdiq edib. Yeni qaydalar həm də informasiya açıqlanmasının tənzimlənməsi və QKDK-ya hesabat veilməsinə (stimullaşdırıcı lotereyalar istisna) yönəldilib. 2001-ci ildən ölkədə yeganə lotereya oyunları təşkilatçısı “Azərlotereya” ASC-dir.

Qaydalara əsasən, lotereya oyunları təşkilatçısı onun şərtlərini (müddəti, yeri, uduşlar, bilet nümunəsi, uduşların ödəniş müddəti və s.) təsdiq etməlidir. 

Lotereyanın şərləti KİV-də açıqlanmalıdır. 

Kağızadan başqa, lotereyalar elektron formatda da ola bilər. Təşkilatçı elektron sistemə nəzarət üçün QKDK-ya birbaşa çıxış təmin etməlidir. Elektron lotereya iştirakçısı bilet seçəndən sonra sistem ondan təsdiq tələb edir. Sorğuya cavab veriləndən sonra bilet satılmış sayılır. 

Lotereyanın uduş fondu oyuna bir saat qalmış formalaşır. Uduş fondu satılan biletin qiymətinin 50%-dən az, 80%-dən çox ola bilməz. 

Lotereya keçiriləndən ən azı 20 gün əvvəl QKDK-da təsdiq edilməlidir. Tiraj komissiyasını təşkilatçı 5 nəfərdən az olmayan tərkibdə təşkil edir, ən azı bir nəfər KİV və ya ictimai təşkilatlardan olmalıdır.  

Udan biletlər 5 iş günündən gec olmayaraq KİV-də verilməlidir. Udan biletlər uduşdan 7 iş günü keçəndən gec olmayaraq qəbul edilir və 90 gündən tez olmayaraq başa çatır. 

Satılmayan biletlər yandırılır. --08D--