Asiya İnkişaf Bankı (AİB) Azərbaycanda mikrosığorta mexanizminin yaradılmasına kömək edəcək. Azərbaycan Sığortaçılar Assosiasiyasının (ASA) məlumatına görə, dəstək texniki yardım vasitəsilə olacaq.
ASA rəhbəri Orxan Bayramov Turan-a bildirib ki, dünən Assosiasiyanın rəhbərliyi və AİB-in nümayəndələri ilə görüşüb.
“Görüşdə Azərbaycanda mikrosığorta mexanizminin yaradılması və inkişafı, bu istiqamətdə texniki yardımın göstərilməsi məsələləri müzakirə olunub. 2015-ci ilin iyul ayında keçiriləcək Azərbaycan Beynəlxalq Sığorta Forumu (“AİİF-2015”) çərçivəsində seminarın təşkili və mikrosığorta məsələlərinin müzakirəsinə dair razılıq əldə edilib”, - deyə məlumatda qeyd olunur. Həmçinin yeni sığorta məhsullarının, bank sektoru üçün məhsulların yaradılması, sığorta məhsullarının satış həcminin artırılması məqsədilə yeni kanalların axtarılması, mikromaliyyə təşkilatlarının Azərbaycanın sığorta bazarına cəlb edilməsi məsələləri müzakirə olunub.
Azərbaycan 1999-cu ildən AİB üzvüdür. Ötən ilin sonuna kimi rəsmi Bakıya $1 mlrd 975,6 mln və texniki yardım verib. --17D—
İqtisadiyyat
-
Azərbaycan Xəzər Dəniz Gəmiçiliyi (ASCO) Xəzər dənizində hava şəraitinin pisləşməsi səbəbindən dayandırılan yük və sərnişin daşımalarını bazar ertəsi tam bərpa edib.
-
Azərbaycan investisiyaların artırılması, investisiya mühitinin yaxşılaşdırılması və bilik və bacarıqların inkişaf etdirilməsi yolu ilə "orta gəlir tələsi"ni aşa bilər. Bu barədə iqtisadiyyat nazirinin müavini Səməd Bəşirli Bakıda Dünya Bankının Qlobal Hesabatı Dünya İnkişaf Hesabatı – 2024 (WDR) təqdimatında bildirib.
-
Avropa və Mərkəzi Asiya ölkələri yalnız investisiyaları cəlb etməməli, həm də davamlı iqtisadi artımı təmin etmək üçün texnologiyanı aktiv şəkildə uyğunlaşdırmalı və yaymalıdır, - Dünya Bankının region üzrə baş iqtisadçısı İvaylo İzvorski bildirib. Dünya İnkişaf Hesabatı 2024 təqdimatında çıxış edən İzvorski, özəl sektorun inkişafını ləngidən struktur problemlərini vurğulayıb.
-
Azərbaycan yüksək gəlirli ölkələr qrupuna keçməyə hazırdır, Mövsümov bildirib ki, 1990-cı illərdən bəri bu keçidi uğurla reallaşdıran cəmi dörd ölkə olub. "Bu, asan bir vəzifə deyil, amma biz buna hazırıq. İqtisadiyyatımızı daha da şaxələndirməsək, lider mövqeyimizi qorumaqda çətinlik çəkərik," – o deyib.
Rəy yaz