![Azərbaycanda XİZ-in yaradılması perspektivləri müzakirə olunub](https://turan.az/resized/media/2012/main/122800023159-750-500-resize.webp)
Azərbaycanda XİZ-in yaradılması perspektivləri müzakirə olunub
İqtisadi İnkişaf Nazirliyində “Azərbaycanda xüsusi iqtisadi zonaların (XİZ) və sənaye şəhərciklərinin inkişafı layihəsi" çərçivəsində koreyalı ekspertlərlə görüş keçirilib.
Dekabrın 27-də keçirilmiş görüş zamanı Koreya Beynəlxalq Əməkdaşlıq Agentliyinin (KOICA) Azərbaycandakı nümayəndəliyinin və Koreya Sənaye Kompleksləri Korporasiyasının (KİCOX) Sənaye Yerləşməsi Tədqiqat İnstitutunun təmsilçiləri sənaye
parklarının yaradılması və idarə olunması üzrə beynəlxalq təcrübəni öyrənməyi tövsiyə ediblər.
Məlum olduğu kimi, 2011-ci il dekabrın 11-də Azərbaycan hökuməti Sumqayıtda və Bakının Balaxanı qəsəbəsində sənaye parklarının yaradılmasına başlayıb. Hökumət həmin parklarda çalışmağı planlaşdıran sahibkarlar üçün vergi və digər güzəştlər nəzərdə tutur.
Görüş zamanı sənayenin yerləşdirilməsi siyasəti, sənaye parklarının inkişafı, onların yaradılma mərhələlərinə toxunulub.
2011-ci ilin oktyabrında Koreya Respublikası hökuməti Azərbaycanda xüsusi iqtisadi zonaların və sənaye şəhərciklərinin yaradılması ideyasının reallaşması üçün qrant ayırıb.
“Xüsusi iqtisadi zonalar haqqında” qanun 2009-cu ilin dekabrında qəbul edilib. Həmin normativ aktlar təsdiqlənib. Hələlik XİZ-in yerləşdirilməsi üzrə yer müəyyən olunmayıb. XİZ-in Ələtdə tikilən dəniz ticarət limanında, Heydər Əliyev adına Bakı beynəlxalq hava limanında yerləşdirilməsinə dair layihələr var. 08D
-
- İqtisadiyyat
- 28 Dekabr 2012 12:57
-
- İqtisadiyyat
- 28 Dekabr 2012 13:24
İqtisadiyyat
-
İqtisadiyyat Nazirliyində yerli istehsalın stimullaşdırılması və ixrac potensialının genişləndirilməsi yollarının araşdırılması məqsədilə iyulun 26-da qeyri-neft sənayesi sahibkarları ilə görüş keçirilib.
-
Azərbaycanın internet provayderləri “Aztelekom” və “Baktelekom” avqustun 15-də qiymət strukturunda böyük dəyişikliklər edəcək. Yeni tariflərə əsasən, minimum internet sürəti 100 Mbit/s-dək artacaq, Mbit/s-nin qiyməti 0,45 AZN-dən 0,25 AZN-ə enəcək. Müvafiq olaraq, ödəniş 100 Mbit/s üçün 25 AZN, 150 Mbit/s üçün 30 AZN, 250 Mbit/s üçün 36 AZN-ə uyğunlaşdırılacaq.
-
Müstəqil ekspertlər Azərbaycanın ticarət dövriyyəsinin və ödəniş profisitinin azalması səbəbindən öz valyutası manatın növbəti devalvasiyası ərəfəsində ola biləcəyini ehtimal edirlər. Gözlənilən iqtisadi düzəlişlər valyuta axınının azalması və neft hasilatının azalması fonunda baş verir.
-
Azərbaycanın Xarici İşlər Naziri Ceyhun Bayramov bu gün Azərbaycan Xarici İşlər Nazirliyində Somalinin Xarici İşlər və Beynəlxalq Əməkdaşlıq Naziri Əhməd Moallim Figi ilə görüşüb. Bu görüş, əvvəlki gün Figi ilə Azərbaycanın İqtisadiyyat Naziri Mikail Cabbarov arasında keçirilmiş müzakirələrdən sonra baş tutub.
Rəy yaz