Azərbaycanda müasir və yeni dizaynlı Renault Fluence-nin satışı başlayıb. Model Lourens Van den Akerin yeni dizayn üslubu əsasında hazırlanıb.
Benzin mühərrik, CVT transmissiya ilə təchiz edilmiş Renault Fluence-in qiyməti 19 900 manatdır. Mühərrikin həcmi 1.6 l, gücü 114 a.g təşkil edir. Model iki komplektasiya variantında təklif edilir: Expression və Dynamique. Qiymət/keyfiyyət mütənasibliyi üç il zəmanət və yaxud 100 000 km yol qətinə əsaslanır. Avtomobil, Renault şirkətinin Türkiyənin Bursa şəhərində yerləşən müəssisəsində istehsal edilir.
Renault Fluenc-in Azərbaycanda satışlarına cəmi 1,5 il əvvəl başlamasına baxmayaraq o, yerli bazarda üç ən çox satılan avtomobillərin sırasına daxil ola bilib. Əvvəlki qiymət səviyyəsini qoruyub saxlamış, təchizatı zənginləşmiş yeni Fluence-in bazara daxil olması, Renault-ya inkişafda olan C seqmentində mövqelərini möhkəmləndirməyə imkan verəcək, deyə Renaultun mətbuat xidməti bildirir. 08D
İqtisadiyyat
-
Bakı Beynəlxalq Dəniz Ticarət Limanı, Şərqlə Qərbi birləşdirən Orta Dəhlizin mühüm halqası olaraq, 2024-cü ildə 7,6 milyon ton yük qəbul edib ki, bu da əvvəlki illə müqayisədə 3,2% artım deməkdir. Bu artım limanın qlobal ticarətdə artan rolunu və Çin, Türkiyə, Gürcüstan, İran və Rusiya kimi ölkələr üçün tranzit qovşağı kimi əhəmiyyətini vurğulayır.
-
Azərbaycanın Dövlət Neft Şirkəti (SOCAR) Birləşmiş Ərəb Əmirliklərinin (BƏƏ) Abu Dabi Milli Neft Şirkətindən (ADNOC) şelfdə yerləşən SARB və Umm Lulu konsessiyasındakı 3%-lik payı 285 milyon dollara alıb. Bu, iki ölkə arasında enerji əlaqələrinin dərinləşdirilməsi istiqamətində mühüm addım kimi qiymətləndirilir. Müqavilə 2024-cü ilin may ayında bağlanıb və 2025-ci ilin yanvarında yekunlaşıb.
-
Bakı Kiçik və Orta Biznes (KOB) Evi və Miniboss Biznes Məktəbi uşaqlarda sahibkarlıq bacarıqlarının inkişafına yönəlmiş anlaşma memorandumu imzalayıblar. Bu barədə Kiçik və Orta Biznesin İnkişafı Agentliyi (KOBİA) bazar ertəsi məlumat yayıb.
-
2025-ci ildə Azərbaycanın informasiya təhlükəsizliyi və rəqəmsal infrastrukturu təzyiq altında qalır, çünki ekspertlər Milli İnternet Mübadilə Mərkəzinin (İnternet Exchange Point - IXP) olmamasını vurğulayırlar. Multimediya QHT-nin rəhbəri Osman Gündüz İnformasiya və Kommunikasiya Texnologiyaları Agentliyini (İKTA) əsas provayderlər olan Azertelecom, Delta Telecom, AzTelekom və qlobal sənaye liderləri ilə əməkdaşlıq edərək Milli İnternet Mübadilə Mərkəzinin yaradılmasına rəhbərlik etməyə çağırıb.
Rəy yaz