![Azərbaycanın əmtəə dövriyyəsində Aİ ölkələrinin payı 35%-dir](https://turan.az/resized/./turan-750-500-resize.webp)
Azərbaycanın əmtəə dövriyyəsində Aİ ölkələrinin payı 35%-dir
Bakı/03.10.17/Turan: Azərbaycanın əmtəə dövriyyəsində Avropa İttifaqı ölkələrinin payı 35%-dir, deyə iqtisadiyyat naziri Şahin Mustafayev Avropa İttifaqının ölkəmizdəki nümayəndəliyinin yeni təyin olunmuş rəhbəri Kestutis Yankauskasla görüşündə bildirib. Bu barədə İqtisadiyyat Nazirliyi məlumat verir.
Nazir deyib ki, son 10 ildə Azərbaycanda əsas kapitala yönəlmiş investisiyalarının ümumi həcmində Avropa İttifaqı ölkələrinın payı 46%, qeyri-neft sektoruna birbaşa investisiyalarda isə 35%-ə çatıb.
Nazir qeyd edib ki, Aİ tərəfindən ölkəmizə 582 milyon avro məbləğində texniki yardım da göstərilib.
Yankauskas öz növbəsində deyib ki, hazırda yeni Avropa İttifaqı-Azərbaycan Sazişi üzərində intensiv iş aparılır.
O, qeyd edib ki, Azərbaycan və Avropa İttifaqı enerji sahəsində səmərəli əməkdaşlıq edir. Yankauskas qeyri-neft sektorunun prioritetliyi barədə məlumatlı olduğunu, Azərbaycanın zəngin turizm potensialı hesabına ölkəyə daha çox avropalı turistin cəlb oluna biləcəyini, ölkəmizin geniş ixrac imkanlarının olduğunu bildirib. --71D--
İqtisadiyyat
-
İqtisadiyyat Nazirliyində yerli istehsalın stimullaşdırılması və ixrac potensialının genişləndirilməsi yollarının araşdırılması məqsədilə iyulun 26-da qeyri-neft sənayesi sahibkarları ilə görüş keçirilib.
-
Azərbaycanın internet provayderləri “Aztelekom” və “Baktelekom” avqustun 15-də qiymət strukturunda böyük dəyişikliklər edəcək. Yeni tariflərə əsasən, minimum internet sürəti 100 Mbit/s-dək artacaq, Mbit/s-nin qiyməti 0,45 AZN-dən 0,25 AZN-ə enəcək. Müvafiq olaraq, ödəniş 100 Mbit/s üçün 25 AZN, 150 Mbit/s üçün 30 AZN, 250 Mbit/s üçün 36 AZN-ə uyğunlaşdırılacaq.
-
Müstəqil ekspertlər Azərbaycanın ticarət dövriyyəsinin və ödəniş profisitinin azalması səbəbindən öz valyutası manatın növbəti devalvasiyası ərəfəsində ola biləcəyini ehtimal edirlər. Gözlənilən iqtisadi düzəlişlər valyuta axınının azalması və neft hasilatının azalması fonunda baş verir.
-
Azərbaycanın Xarici İşlər Naziri Ceyhun Bayramov bu gün Azərbaycan Xarici İşlər Nazirliyində Somalinin Xarici İşlər və Beynəlxalq Əməkdaşlıq Naziri Əhməd Moallim Figi ilə görüşüb. Bu görüş, əvvəlki gün Figi ilə Azərbaycanın İqtisadiyyat Naziri Mikail Cabbarov arasında keçirilmiş müzakirələrdən sonra baş tutub.
Rəy yaz