![Azərbaycanın tədiyə balansının profisiti 2,3 dəfə azalıb](https://turan.az/resized/./turan-750-500-resize.webp)
Azərbaycanın tədiyə balansının profisiti 2,3 dəfə azalıb
Azərbaycanın tədiyə balansının profisiti 2012-ci ilin yanvar-sentyabrında $4478,3 mln olub. Bu, ötən ilin eyni dövründəkindən 2,3 dəfə azdır. Tədiyə balansının cari əməliyyatlar hesabı üzrə profisiti 20,1% azalaraq $11,5 mlrd olub, kapital və maliyyə hərəkəti hesabının kəsiri isə 76,4% artaraq $7,04 mlrd təşkil edib.
“Ötən illərdə olduğu kimi, tədiyə balansının analizi göstərdi ki, neft sektorunun xarici ticarət əməliyyatları üzrə saldosu müsbət ($17,9 mlrd), qeyri-neft sektorunda mənfi olub”, - deyə AMB-nin analitik qeydlərində bildirilir. Yəni enerji sektoru istisna olmaqla, bütün iqtisadiyyat əmtəə və xidmət idxalından asılıdır.
AMB-nin məlumatına əsasən, tədiyə balansının profisitinin əsas səbəbi ötən ilin müvafiq dövrü ilə müqayisədə ticarət balansının saldosunun $17,5 mlrd-a çatmasıdır. Əmtəə ixracı (94,5%-i neft-qaz sektoru) 7,5% azalaraq $24,8 mlrd, mal idxalı 1% artaraq $7,29 mlrd olub.
Xidmət balansı üzrə kəsir 20% artaraq $2,4 mlrd-a çatıb. Gəlirlərin balansının kəsiri $3,43 mlrd-ı keçib.
Cəlb edilən xarici kapitalın ümumi həcmi il ərzində 31% artaraq üç rübün sonunda $7,59 mlrd olub. O cümlədən birbaşa investisiyalar 27,2% artaraq $3974 mln təşkil edib. --15B--
-
- İqtisadiyyat
- 21 Dekabr 2012 14:43
İqtisadiyyat
-
İqtisadiyyat Nazirliyində yerli istehsalın stimullaşdırılması və ixrac potensialının genişləndirilməsi yollarının araşdırılması məqsədilə iyulun 26-da qeyri-neft sənayesi sahibkarları ilə görüş keçirilib.
-
Azərbaycanın internet provayderləri “Aztelekom” və “Baktelekom” avqustun 15-də qiymət strukturunda böyük dəyişikliklər edəcək. Yeni tariflərə əsasən, minimum internet sürəti 100 Mbit/s-dək artacaq, Mbit/s-nin qiyməti 0,45 AZN-dən 0,25 AZN-ə enəcək. Müvafiq olaraq, ödəniş 100 Mbit/s üçün 25 AZN, 150 Mbit/s üçün 30 AZN, 250 Mbit/s üçün 36 AZN-ə uyğunlaşdırılacaq.
-
Müstəqil ekspertlər Azərbaycanın ticarət dövriyyəsinin və ödəniş profisitinin azalması səbəbindən öz valyutası manatın növbəti devalvasiyası ərəfəsində ola biləcəyini ehtimal edirlər. Gözlənilən iqtisadi düzəlişlər valyuta axınının azalması və neft hasilatının azalması fonunda baş verir.
-
Azərbaycanın Xarici İşlər Naziri Ceyhun Bayramov bu gün Azərbaycan Xarici İşlər Nazirliyində Somalinin Xarici İşlər və Beynəlxalq Əməkdaşlıq Naziri Əhməd Moallim Figi ilə görüşüb. Bu görüş, əvvəlki gün Figi ilə Azərbaycanın İqtisadiyyat Naziri Mikail Cabbarov arasında keçirilmiş müzakirələrdən sonra baş tutub.
Rəy yaz