«AzSığorta» şirkəti «КАСКО ekspress» məhsulu buraxıb.
Yenilik nümunəvi sürücülər üçün güzəştli əmsalla birdəfəlik satışı nəzərdə tutur. Müştərinin arzusu ilə qarşılıqlı razılaşma əsasında sığorta polisinin müddətini artırıb-azaltmaq olar.
Yeni xidmət artıq 6,8 min manat mükafat gətirib və genişlənəcək, deyə şirkət rəhbərliyi Turan-a bildirib.
«AzSığorta» 2006-cı ilin noyabrında MMC kimi fəaliyyətə başlayıb. Səhmdarı bir fiziki şəxsdir. Şirkət müştərilərə 28 sığorta növü üzrə xidmət göstərir. Bunun 4-ü icbari növdür. Regiolarda 6 filialı var. Şirkətin nizamnamə kapitalı 19,86 mln manatdır. Ötən il mükafatları 39,86 mln manat, ödənişləri 3,66 mln manat olub. --17D—
İqtisadiyyat
-
Rəqəmsal İnkişaf və Kommunikasiya Texnologiyaları Agentliyi (RİKT) internet provayderləri (İSP) və telekommunikasiya operatorları ilə görüş keçirərək, ölkədə internet sürətinin düzgün ölçülməsi və Azərbaycanın beynəlxalq genişzolaqlı internet reytinqlərində mövqeyinin yaxşılaşdırılması məsələlərini müzakirə edib.
-
Bolqarıstan Azərbaycanı enerji sektorunda əsas strateji tərəfdaşı hesab edir. Ölkə qaz tədarükünün şaxələndirilməsində və regional enerji təhlükəsizliyinin gücləndirilməsində mühüm rol oynayır, Bolqarıstanın yeni təyin olunmuş energetika naziri Jeço Stankov Azərbaycanın nümayəndə heyəti ilə görüşdə bildirib.
-
Azərbaycan Dövlət Neft Şirkətinin (SOCAR) prezidenti Rövşən Nəcəf 6 fevralda Crescent Petroleum şirkətinin baş direktoru Macid Cəfər ilə enerji sektorunda əməkdaşlıq perspektivlərini müzakirə etmək üçün görüş keçirib. Görüş hər iki şirkət arasında əlaqələrin möhkəmləndirilməsi istiqamətində mühüm addım olub və tərəflər öz fəaliyyətləri barədə fikir mübadiləsi apararaq qarşılıqlı maraq doğuran imkanları qiymətləndiriblər.
-
Azərbaycan Dövlət Neft Şirkətinin (SOCAR) prezidenti Rövşən Nəcəf 6 fevralda Sloveniyanın enerji şirkəti Petrol dd-nin İdarə Heyətinin sədri Sašo Berger və Geoplin doo-nun baş direktoru Simon Urbanc ilə görüşüb. Görüşdə Azərbaycan və Sloveniya arasında təbii qaz sektorunda əməkdaşlığın genişlənməsi vurğulanıb.
Rəy yaz