![Bakı Gəmiqayırma Zavodu Sənaye Parkının rezidenti oldu](https://turan.az/resized/./turan-750-500-resize.webp)
Bakı Gəmiqayırma Zavodu Sənaye Parkının rezidenti oldu
Bakı Gəmiqayırma Zavodu” MMC-yə Qaradağ Sənaye Parkının ilk rezidenti statusu verilib, deyə İqtisadiyyat və Sənaye Nazirliyində Turan-a bildiriblər.
QSP-nin yaradılması barədə sərəncam bu il iyulun 3-də verilib. Bu sənədlə dövlət başçısı Nazirlər Kabinetinə gəmiqayırma sənayesinin inkişafı üçün Qaradağ Sənaye Parkında digər stimullaşdırıcı tədbirlərin tətbiqi üzrə təkliflər hazırlamağı tapşırıb.
QSP-nin idarəedici strukturu “Sumqayıt Kimya Sənaye Parkı” MMC-dir. SKSP-yə Mingəçevir Sənaye Parkını idarə etmək də tapşırılıb.
Sənaye və texnologiya parkları haqqında əsasnaməyə görə, onların rezidentləri 7 illiyə vergidən azad edilir.
Bakı Gəmiqayırma Zavodu 2013-cü ildən fəaliyyət göstərir. Müəssisədə ildə 15 min ton yükgötürmə qabiliyyəti olan dörd gəmi tikmək mümkündür. Zavodun mülkiyyətçiləri SOCAR (65%), «Azərbaycan İnvestisiya Şirkəti» (25%) və “Keppel Offshore & Marine”dir (Sinqapur, 10%).
-
- Video
- 31 Avqust 2015 14:19
-
- İqtisadiyyat
- 31 Avqust 2015 15:10
İqtisadiyyat
-
Azərbaycan Prezidenti İlham Əliyev, Dövlət Gömrük Komitəsinin xaricdə və beynəlxalq təşkilatlarda nümayəndələrinin rolunu və təyinatını tənzimləyən iki prezident fərmanına dəyişikliklər imzalayıb.
-
Auditorlar Palatasına görə, 2023-cü ildə Azərbaycanda audit təşkilatları və müstəqil auditorlar 133.2 milyon manat (78.4 milyon dollar) dəyərində 7,232 müqavilə bağlayıb, bu da müqavilələrin sayında 20% və ümumi dəyərində isə 7.1% artımı əks etdirir.
-
Qobustan Günəş Elektrik Stansiyası layihəsi üzrə hərrac iştirakçılarının təqdim etdikləri təkliflərin qiymətləndirilməsi üçün, Avropa Yenidənqurma və İnkişaf Bankının (AYİB) dəstəyi ilə hərrac komissiyasının üçüncü iclası keçirildi. İclasda əsas diqqət ilkin uyğunluğun müəyyənləşdirilməsi və hərrac qalibinin seçilməsinə yönəldilib, bu barədə Bərpa Olunan Enerji Mənbələri üzrə Dövlət Agentliyi məlumat verib.
-
Bu yaxınlarda Azərbaycanın “Qarabağ” gəmisinin adının dəyişdirilərək “Mingəçevir” olmasında heç bir sensasiya yoxdur, yeni ad gəmiyə iki gəminin eyni ad altında işləməməsi üçün verilib, deyə Azərbaycan Xəzər Dəniz Gəmiçiliyinin (ASCO) Ticarət Donanmasında “Turan”a məlumat verilib.
Rəy yaz