Azərbaycandan yeni yataqlar kəşf oluna bilər. Ötən həftə Caspian Oil & Gas-2013 konfransında BP Azerbaijan-ın kəşfiyyat üzrə vitse-prezidenti Qreqori Reyli belə deyib.
O, əmindir ki, Azərbaycan şelfində iri qaz yataqları kəşf edilə bilər – kəşfiyyat savadlı aparılmalıdır.
Məsələ burasındadır ki, Azərbaycan yeni layihələrdə xarici investorlara hansı şərtlər irəli sürəcək.
ARDNŞ-dəki mənbə bildirib ki, ilin sonuna kimi “Azəri-Çıraq-Günəşli” yatağının dərin laylarında hasilat üzrə kontrakt imzalanmalıdır ki, 2019-cu ildə hasilata başlansın.
ARDNŞ AÇG-nin ehtiyatlarını 300 mlrd m3 qiymətləndirir. Onların işlənməsi ilə BP başda olmaqla konsorsium məşğul olacaq. BP-də danışıq aparıldığı etiraf edilir, amma şərh verilmir.
Mənbənin sözlərinə görə, ARDNŞ konsorsiuma Risk Service Agreement (RSA) tipli saziş təklif edir. PSA sazişlərdən fərqli olaraq, RSA sazişlərdə bütün hasil edilən karbohidrogen ARDNŞ-nin balansına verilir, şirkət onları satıb gəliri layihə iştirakçıları arasında bölür.
ARDNŞ təmsilçisi deyib ki, şirkət bu sxemi əsas kimi götürüb oraya xarici tərəfdaşları maraqlandıran bir sıra mexanizmlər əlavə edir. Məsələn, ARDNŞ quyu qazılması xərclərini ödəyə bilər. Mənbənin sözlərinə görə, PSA sazişlər əvəzinə RSA Azərbaycan tərəfindən bundan sonra da bu və ya digər yatağın xüsusiyyətləri nəzərə alınmaqla tətbiq ediləcək. --12С--
İqtisadiyyat
-
Azərbaycan 2024-2025 mövsümü üçün buğda idxalını artırmağa hazırlaşır, bu ilin yerli buğda istehsalında əhəmiyyətli azalma baş verib. Dövlət Statistika Komitəsinin məlumatlarına görə, 2024-cü ildə ölkədə 1,68 milyon ton buğda yığılıb ki, bu da əvvəlki illə müqayisədə 8,1% azalma deməkdir. Məhsul yığımındakı bu azalma və son aylarda idxal həcmlərinin artması Azərbaycanın buğda tələbatını ödəmək üçün xarici tədarükçülərə daha çox güvənəcəyini göstərir.
-
Azərbaycan Dəmir Yolları QSC (ADY) tranzit yük daşımalarının səmərəliliyini artırmaq məqsədilə konteyner daşımalarının idarə edilməsi üzrə yenidən təşkilatlandırma planlarını elan edib. Bu yenidən təşkilatın bir hissəsi olaraq, ADY Express 1 noyabr 2024-cü ildən etibarən ADY Konteyner ilə birləşdiriləcək. Bu birləşmə həm konteyner, həm də vaqon daşımalarında təklif olunan xidmətlərin spektrini genişləndirməyə yönəlib.
-
Azərbaycanda təsisçilərinin fiziki və ya hüquqi şəxs olmasından asılı olmayaraq, xarici investisiyalı hüquqi şəxslərin elektron dövlət qeydiyyatına alınmasına imkan verən qanunvericilik bazası tətbiq edilib. Bunu Dövlət Vergi Xidmətinin rəis müavini Samirə Musayeva “Biznesə daxilolma” İşçi qrupunun iclasında çıxışı zamanı deyib.
-
Dünya Bankı, Azərbaycan rəsmiləri və Dünya Bankı nümayəndələri arasında aparılan müzakirələrə əsasən, Azərbaycanın iqtisadi inkişafına yeni tərəfdaşlıq çərçivə proqramı vasitəsilə daha da dərin şəkildə cəlb olunmağı planlaşdırır. Təklif olunan çərçivə proqramı 2025-2029-cu illəri əhatə edəcək və ölkənin innovativ və daha az resurslardan asılı olan iqtisadiyyata keçidini dəstəkləmək üçün nəzərdə tutulub.
Rəy yaz