Bakı və regionlarda asfalt istehsalı həcmi gizlədilir

Yol-tikinti kompleksinə nəhəng dövlət investisiyaları şəraitində real asfalt istehsalı həcmi dəfələrlə az göstərilir. Statistik məlumatlar belə bunu göstərir.

Dövlətstatkomun məlumatına görə, 2013-cü ildə Azərbaycanda 576,4 min ton (-0,2%) əmtəəlik asfalt istehsal edilib. Bundan Bakının payına 158,2 min ton düşür. KİV-in məlumatına görə, daha avtoritar rejim olan Naxçıvan MR-da 408 585 ton asfalt istehsal edilib. Bu, Bakıdakından 2,58 dəfə çoxdur. Eksklavda istehsal artımı 6% təşkil edib. Başqa sözlə, ölkənin başqa regionlarında asfalt istehsalı sanki yoxdur. Amma istehsalçılar özləri bildirir ki, Quba, Siyəzən və Ağstafada (Akkord korporasiyası), Yevlax, Qəbələ, Qazax, Qobustan və Lənkəranda (Gilan Holding) zavodları var. “Azəryolservis”i özünün də  asfalt istehsalı müəssisələri var. «Akkord Korporasiyası» ASC bildirir ki (http://www.akkord.az/index.php?options=news&id=60&news_id=686), onun 5 zavodunun gücü 1,6 mln tondan çoxdur. Korporasiyanın son zavodu ötən ilin avqustunda istismara verilib (gücü saatda 240 ton).   Gilan Holding-in 5 zavodunun ümumi gücü 680 min tondur http://gilanholding.com/construction/Qebele+Asfalt+zavodu+70).

Operativ məlumatlara görə, 2014-cü ildə 402 min ton asfalt istehsal edilib. NMR Statistika İdarəsinin məlumatına görə, bu həcmin yarısı (208683,4 ton) region müəssisələrinin payına düşür. Bu ilin I rübündə Azərbaycanda rəsmi asfalt istehsalı həcmi 75,1 min ton olub. Bu, 2014-cü ilin I rübündəkindən 4,1% çoxdur. 2009-2010-cu illərdə statistika 1 mln 632 min və 1 mln 131 min ton asfalt istehsalı barədə məlumat verib. 08B.