Bakıda Azərbaycan-Böyük Britaniya biznes forumu keçiriləcək
Oktyabrın 2-də Bakı Biznes Mərkəzində Böyük Britaniya şirkətlərinin iştirakı ilə Azərbaycan-Böyük Britaniya biznes forumu keçiriləcək.
Azərbaycanda İxracın və İnvestisiyaların Təşviqi Fondunda (AZPROMO) Turan-a deyiblər ki, forumda İKT, tikinti və təhsil sahələri təmsil edən Böyük Britaniya şirkətləri iştirak edəcək.
Bu həftə Britaniya Krallığı ticarət və investisiya üzrə dövlət naziri Yen Livinqstonun başçılığı ilə biznes nümayəndə heyəti ölkəmizə səfər edib. Azərbaycan hökuməti Britaniya tərəfinə əlaqələri genişləndirmək üçün birgə hökumətlərarası komisiya yaratmağı təklif edib.
İqtisadiyyat və Sənaye Nazirliyinin məlumatına görə, Azərbaycanda 500 Britaniya şirkəti fəaliyyət göstərir. Dövlətstatkoma görə, ölkədə Britaniya kapitallı 660 şirkət qeydiyyata alınıb. Bu, ölkədəki xarici şirkətlərin 9,6%-dir. 2006-cı ildə bu şirkətlər daha çox (743) idi və Britaniya yalnız Türkiyədən geri qalırdı.
18 ildə (1995-2013) Britaniya Azərbaycan iqtisadiyyatına $18 mlrd investisiya qoyub. Bu ilin 8 ayında bu göstərici manat ekvivalentində 991,3 mln təşkil edib.
2013-cü ildə Azərbaycanla Böyük Britaniya arasında əmtəə dövriyyəsi $1 mlrd 818,3 mln olub. Bu, 2012-ci ildəkindən $1 mlrd çoxdur. Saldo Britaniyanın xeyrinədir ($850 mln). Bu ilin I yarısında iki ölkə arasında əmtəə dövriyyəsi zəifləyib və $384,4 mln olub. Bu il Azərbaycan Britaniyaya 135 min ton neft, 2,7 min ton aviayanacaq tədarük edib. Əks istiqamətdə qara metal prokatı, elektrik avadanlığı və cihazlar, nəqliyyat vasitələri və s tədarük edilir. 08B
-
- İqtisadiyyat
- 30 Sentyabr 2014 19:23
-
- Siyasət
- 30 Sentyabr 2014 19:26
İqtisadiyyat
-
Azərbaycan 2024-cü ilin ilk doqquz ayında düyü idxalını əhəmiyyətli dərəcədə artıraraq 52,500 tona çatdırıb ki, bu da 2023-cü ilin eyni dövrü ilə müqayisədə fiziki çəkidə 15.1% və dəyər baxımından 33.3% artım deməkdir. Dövlət məlumatlarına əsasən, düyünün hər tonunun orta qiyməti 15.8% artaraq, ötən ilki 899.77 dollardan 1042.17 dollara yüksəlib. Ölkənin düyü tələbatının 85%-nin xarici mənbələrdən qarşılanması Azərbaycanın idxaldan asılılığını daha da vurğulayır.
-
Dövlət Vergi Xidməti müəssisələrə müraciət edərək, nağdsız ödənişləri yalnız POS terminallar vasitəsilə həyata keçirməyə çağırıb və kartdan karta əməliyyatların tənzimlənən kanallardan kənarda məhdudlaşdırılması səylərinin bir hissəsi kimi şəffaflığı təmin etmək üçün satıcılardan həm POS terminallardan, həm də nəzarət-kassa aparatlarından qəbzlər verməsini tələb edib.
-
BMT-nin İqlim Dəyişikliyi haqqında Çərçivə Komissiyasının fəaliyyətdə olan maliyyə mexanizmi orqanı və İqlim dəyişikliyi haqqında Paris sazişinin (2015-ci il tarixli) orqanı olan "Yaşıl İqlim Fondu" (GCF) ilk dəfə olaraq Azərbaycanı maliyyə vəsaiti ayıracağı ölkələrin siyahısına daxil edib.
-
Xarici ölkələrin Cenevrədə akkreditə olunmuş 30-a yaxın diplomatik missiyasının rəhbərləri üçün Beynəlxalq Telekommunikasiya İttifaqı (BTİ), Azərbaycan Respublikasının BMT-nin Cenevrə bölməsi yanında Daimi Nümayəndəliyi və Rəqəmsal İnkişaf və Nəqliyyat Nazirliyi tərəfindən «Green Digital Action» t\şəbbüsü üzrə xüsusi brifinq təşkil edilib. O, noyabrda Bakıda COP29 çərçivəsində təqdim olunacaq, deyə Azərbaycanın Rəqəmsal İnkişaf və Nəqliyyat Nazirliyindən bildiriblər.
Rəy yaz