Bakıda Azərbaycan Banklar Assosiasiyasının (ABA) təşkilatçılığı ilə bank forumu keçirilib.
Turan-ın məlumatına görə, ABA-nın sədri Zakir Nuriyev çıxışında deyib ki, neftin ucuzlaşması nəticəsində xarici valyuta ilə kreditlərdə risk yaradıb. Bu isə bank sektoruna ziyan vurub.
Onun sözlərinə görə, pul kütləsinin azalması manatın likvidliyi üçün problem yaradıb, real sektora kreditlər azalıb.
«Amma biz məsuliyyəti başqasının üzərinə atmamalı, azad bazar prinsipni pozmamalıyıq. Hazırd yeni vəziyyətə adaptasiya prosesi gedir. Bir qayda olaraq, böhran inkişaf üçün yeni imkanlar yaradır», deyə o bildirib.
Maliyyə Bazarlarına Nəzarət Palatası (MBNP) Direktorlar Şurasının sədri Rüfət Aslanlı çıxışında deyib ki, Azərbaycanda kommersiya banklarında mühüm iştirak payına malik olan şəxslər və onların menecmenti üçün hüquqi platforma hazırlanır. Onun sözlərinə görə, bunun məqsədi ehtiyatsız davranış nümayiş etdirən bank rəhbərlərinin maddi, inzibati və cinayət məsuliyyəti daşımasına nail olmaqdır: “Bunun üçün müvafq qanun layihəsi hazırlanıb”.
O qeyd edib ki, a əvvəlki illər ərzində kommersiya bankları üçün minimal kapital tələbinin artırlması bank sektorunu daha ciddi problemlərdən qoruyub.
Rüfət Aslanlı deyib ki, bankların davamlılığına nail olmaq üçün sektorun yenidən strukturlaşdırılması və kapitallaşması təmin edilməlidir.
«Bu prosesi ilin sonu və ya gələn ilin ilk 3 ayında başa çatdırmalıyıq», deyə o qeyd edib.
Neft Fondunun sədri Ş.Mövsümov postneft dövrünə keçilməsi neft hasilatının başa çatması demək deyil.
Onun sözlərinə görə, yaxın 15-20 il ərzində isə Fonda bu sahədən daha 100 mlrd dollar daxil olacağı gözlənilir.
Mövsümov deyib ki, indi Azərbaycan yeni iqtisadi modelə keçir və ARDNF-dən dövlət büdcəsinə transfertlərin azaldılması bu siyasətin göstəricisidir.
«Dövlət xərclərinin hesabına olan inkişaf özəl sektorun inkişafına mane olurdu. Yeni post-neft dövründə özəl sektor ön plana çıxacaq», deyə o bildirib.
Milli Məclisin İqtisadi siyasət, sənaye və sahibkarlıq Komitəsinin sədri Ziyad Səmədzadə isə deyib ki, bank sektorunu sağlamlaşdırmaq üçün real sektorla sıx əlaqədə olmaq lazımdır. Banklarla müştərilər arasında gərginliklə bağlı konsensusun zəruriliyini vurğulayıb. 71В
İqtisadiyyat
-
Texnologiyaya əsaslanan böyüyən iqtisadiyyatın şüşə və poladdan ibarət göydələnləri, Zailiyski Alatau dağlarının qarlı zirvələri fonunda yüksəldiyi Almatıda, Digital Almatı 2025 təkcə Qazaxıstanın deyil, bütün regionun sərhədlərini aşan müzakirələr üçün platforma yaradıb. Artıq Mərkəzi Asiyanın rəqəmsal transformasiya gündəliyinin əsas dayağına çevrilmiş bu forum, süni intellektin (Sİ) sənaye iqtisadiyyatlarına inteqrasiyasını formalaşdırmaq istəyən siyasətçiləri, texnologiya sahibkarlarını və sənaye liderlərini bir araya gətirib.
-
2024-cü ildə Rusiyadan qonşu ölkələrə pul köçürmələrinin həcmi azalmağa davam edib. Bu barədə RBC-nin araşdırdığı Qazaxıstan, Gürcüstan, Ermənistan və Azərbaycanın mərkəzi banklarının məlumatlarında bildirilir. Bank infrastrukturu və Zolotaya Korona, Unistream, Contact kimi pul köçürmə sistemləri vasitəsilə həyata keçirilən əməliyyatlar nəzərə alınaraq tərtib olunan rəqəmlər, 2022-ci ildəki artımdan sonra köçürmələrdə davamlı azalma tendensiyasını göstərir.
-
Azərbaycanın düyü idxalı sürətlə artmaqdadır, çünki yerli istehsal artan tələbatı qarşılamaqda çətinlik çəkir. Bu tendensiya ölkənin xarici tədarükçülərdən asılılığını vurğulayır. Hökumətin istehsalı artırmaq təşəbbüslərinə baxmayaraq, yerli istehsal dəyişməz qalır və 2024-2025 mövsümündə cəmi 10 000 ton məhsul gözlənilir. Bununla yanaşı, 2024-cü ilin yanvar-oktyabr aylarında ölkəyə 55 961 ton düyü idxal olunub.
-
Azərbaycan və Pakistan enerji əməkdaşlığının dərinləşdirilməsinə artan sadiqlik nümayiş etdirir və bu istiqamətdə xüsusilə bərpa olunan enerji təşəbbüslərinə diqqət yetirir. Yanvarın 30-da Azərbaycanın enerji naziri Pərviz Şahbazov Bakıda Pakistanın Federal Özəlləşdirmə, İnvestisiya Şurası və Kommunikasiyalar naziri Əbdül Alim Xan rəhbərlik etdiyi nümayəndə heyətini qəbul edib.
Rəy yaz