Bakı/27.09.23//Turan: Sentyabrın 26-da Bakıda ilk dəfə olaraq elektriklə işləyən avtobus marşrut xəttinə buraxılıb.
Azərbaycan Yerüstü Nəqliyyatı Agentliyindən verilən məlumata görə, avtobus tam enerji dolumunda 350 kilometr məsafə qət etmək gücündədir.
Avtobusun tutumu 82 sərnişin (32 oturacaq yer) üçün nəzərdə tutulub.
Agentlik qeyd edir ki, elektrobusun istismarının Bakı relyefinə uyğunluğu yoxlanılacaq.
Nəticələr əsasında Bakı marşrutları üzrə elektrik avtobuslarından istifadə imkanlarının qiymətləndirilməsi aparılacaq.
Avtobus 5 saylı “20-ci hissə - Nəriman Nərimanov metrosu” marşrut xətti üzrə fəaliyyətə başlayıb. –0-
İqtisadiyyat
-
2024-cü ildə Avropa Azərbaycandan təxminən 12,5 milyard kubmetr qaz alacaq və alıcı ölkələrin sayı 12-yə çatacaq. Cümə günü İstanbulda keçirilən enerji forumunda SOCAR-ın prezidenti Rövşən Nəcəf dekabr ayında 12-ci, yeni qaz alıcısı ilə əməkdaşlığın başlayacağını elan etdi.
-
Azərbaycan və İsrail nəqliyyat sahəsində əməkdaşlığın inkişafı üzrə İşçi Qrupunun yaradılması barədə razılığa gəliblər, cümə günü rəqəmsal inkişaf və nəqliyyat naziri Rəşad Nəbiyev "x"sosial şəbəkəsində bildirib.
-
Noyabrın 22-də İstanbulda keçirilən enerji forumu çərçivəsində “yaşıl enerji” ilə bağlı müzakirələr aparılıb. Müzakirələrdə Türkiyənin Enerji və Təbii Sərvətlər naziri Alparslan Bayraktar, Gürcüstanın Birinci Baş Nazir müavini, İqtisadiyyat və Davamlı İnkişaf naziri Levan Davitaşvili, Bolqarıstanın Enerji naziri Rumen Radev və Azərbaycanın Energetika naziri Pərviz Şahbazov iştirak ediblər.
-
Azərbaycanın Energetika naziri Pərviz Şahbazov, Türkiyənin Enerji və Təbii Sərvətlər naziri Alparslan Bayraktar və Bolqarıstanın Energetika naziri Vladimir Malinov arasında görüş noyabrın 22-də İstanbulda beynəlxalq enerji forumu çərçivəsində keçirilib. Bu barədə Azərbaycanın Energetika Nazirliyi məlumat yayıb.
Rəy yaz