![Bakıda layihələrin idarə olunması mövzusunda seminar başlayıb](https://turan.az/resized/750/500/resize/media/2015/main/121100139896.jpg)
Bakıda layihələrin idarə olunması mövzusunda seminar başlayıb
Dekabrın 7-də Bakıda yerli konsaltinq şirkətləri üçün layihələrin idarə olunması mövzusunda üç günlük seminar başlayıb.
Seminar Avropa Yenidənqurma və İnkişaf Bankının dəstəyi və Avropa Birliyinin maliyyə yardımı ilə kiçik və orta müəssisələr üçün təqdim edilən biznes məsləhət xidmətlərinin keyfiyyətinin yaxşılaşdırılması məqsədilə məsləhətçilərin bacarıqlarının inkişaf etdirilməsi üçün keçirilir.
Sankt Peterburqdan olan təcrübəli təlimçi Vladimir Çernyavskinin apardığı seminarda 15 konsaltinq şirkəti iştirak edir.
AYİB Azərbaycanda yerli məsləhətçilərin bacarıqlarının və peşə məharətinin artırılması üçün onlarla işləyir. Bu seminarlar sayəsində məsləhətçilər tərəfindən kiçik və orta müəssisələrə keyfiyyətli layihələrin təqdim edilməsi üçün onların ixtisas sahəsi genişləndirilir.
“Layihələrin idarə olunması mövzusunda təlim məsləhətçilərin öz fəaliyyətlərini möhkəmləndirmələrinə və kiçik və orta müəssisələrə daha yaxşı xidmət göstərmələrinə yardım edəcək”, deyə AYİB Cənubi Qafqaz və Rusiya Federasiyası üzrə Kiçik Müəssisələr üçün Məsləhət məsələləri üzrə rəhbəri Jeff Ferry qeyd edir.
1993-cü ildə Azərbaycanda fəaliyyətə başladıqdan etibarən AYİB 700-dən çox müəssisənin inkişafına yardım göstərmək üçün onların konsaltinq sahəsində təcrübələrdən faydalanmasını təmin edib. Avropa Birliyi 2003-cü ildən bu məqsədlə 3.7 milyon avro vəsait sərf edib. 08C
-
- Cəmiyyət
- 7 Dekabr 2015 13:52
-
- İqtisadiyyat
- 7 Dekabr 2015 14:04
İqtisadiyyat
-
İqtisadiyyat Nazirliyində yerli istehsalın stimullaşdırılması və ixrac potensialının genişləndirilməsi yollarının araşdırılması məqsədilə iyulun 26-da qeyri-neft sənayesi sahibkarları ilə görüş keçirilib.
-
Azərbaycanın internet provayderləri “Aztelekom” və “Baktelekom” avqustun 15-də qiymət strukturunda böyük dəyişikliklər edəcək. Yeni tariflərə əsasən, minimum internet sürəti 100 Mbit/s-dək artacaq, Mbit/s-nin qiyməti 0,45 AZN-dən 0,25 AZN-ə enəcək. Müvafiq olaraq, ödəniş 100 Mbit/s üçün 25 AZN, 150 Mbit/s üçün 30 AZN, 250 Mbit/s üçün 36 AZN-ə uyğunlaşdırılacaq.
-
Müstəqil ekspertlər Azərbaycanın ticarət dövriyyəsinin və ödəniş profisitinin azalması səbəbindən öz valyutası manatın növbəti devalvasiyası ərəfəsində ola biləcəyini ehtimal edirlər. Gözlənilən iqtisadi düzəlişlər valyuta axınının azalması və neft hasilatının azalması fonunda baş verir.
-
Azərbaycanın Xarici İşlər Naziri Ceyhun Bayramov bu gün Azərbaycan Xarici İşlər Nazirliyində Somalinin Xarici İşlər və Beynəlxalq Əməkdaşlıq Naziri Əhməd Moallim Figi ilə görüşüb. Bu görüş, əvvəlki gün Figi ilə Azərbaycanın İqtisadiyyat Naziri Mikail Cabbarov arasında keçirilmiş müzakirələrdən sonra baş tutub.
Rəy yaz