Bakıda nəqliyyat kart sisteminə keçir?
Yaxın gələcəkdə paytaxtda ictimai nəqliyyat nağd ödənişsiz vahid kart sisteminə keçəcək, bu barədə “Bakı Sərnişin Nəqliyyatı” MMC-nin məlumatında deyilir.
Bir sıra metro stansiyalarında “BakıKart” ödəniş terminalları quraşdırılıb. Kartın öz qiyməti 2 manat təşkil edəcək.
Mayın sonlarında Bakıda 6 avtobus marşrutunda nağdsız gedişhaqqı ödənilməsi sisteminin tətbiqinə başlanacaq.
Nağdsız ödəniş sistemi Bakının mərkəzində 29 marşrutda “Daewoo” markalı 515 avtobusda tətbiq ediləcək. Artıq avtobuslarda elektron ödəniş avadanlıqlarının quraşdırılmasına başlanılıb. Bu gün 52 nömrəli marşrut üzrə 10 avtobusda terminalların montajı yekunlaşıb və sınaqdan keçirilir. Mayın sonlarında 1, 6, 14, 25, 52, 95 nömrəli marşrutlarda da analoji sistemlər quraşdırılacaq.
İlin sonlarına qədər bütün şəhər nəqliyyatında nağdsız ödəniş sistemindən istifadə olunacaq, deyə məlumatda bildirilir. Hazırda paytaxtda 2500-dən çox avtobus var.
Marşrut sahiblərinin və xüsusən sürücülərin maraqlarının toqquşduğunu nəzərə alaraq, bu sistemin tətbiqinin nə dərəcədə real olduğunu demək çətindir. Hazırda bu insanlar gündə 12-14 saat işləyir. Yığdıqları pulu firma və ya marşrut sahibi ilə bölürlər.
Nağdsız hesablaşma o deməkdir ki, onlar sabit əmək haqqı alacaqlar. Lakin əmək haqqı dəqiq sürücülərin həddindən artıq işləyərək qazandığı puldan az olacaq. Bu halda sürücülər növbəli iş sisteminə keçməlidirlər, lakin onlar, çətin ki, gəlirlərinin azalması ilə razılaşsınlar. Buna görə etiraz aksiyaları və avtobus sürücüləri tərəfindən digər narazılıq formaları gözləmək olar. -02D-
-
- İqtisadiyyat
- 23 Aprel 2015 17:02
-
- Cəmiyyət
- 23 Aprel 2015 17:25
İqtisadiyyat
-
Azərbaycan, hal-hazırda ümumi enerji istehsalında 14.4% təşkil edən bərpa olunan enerji mənbələrindən əldə olunan elektrik enerjisinin payını əhəmiyyətli dərəcədə artırmağa hazırlaşır, deyə İqtisadiyyat Naziri müavini Səməd Başırlı cümə axşamı Bakı şəhərində keçirilən İqtisadi Əməkdaşlıq Təşkilatı (İƏT) Think Tanklar Forumu zamanı bəyan etdi.
-
Azərbaycan, tullantıların təkrar emalını artırmaq və davamlı inkişafı təşviq etmək məqsədilə pyroliz yağı istehsal layihəsini həyata keçirmək üçün italyan enerji şirkəti Technip Energies SpA ilə tərəfdaşlığa daxil olub, rəsmilər çərçivəsində məlumat verildi.
-
Oktyabrın 3-də Əsədovun Minskə rəsmi səfəri çərçivəsində Belarusun Baş naziri Roman Qolovçenko ilə Azərbaycanın Baş naziri Əli Əsədov arasında aparılmış danışıqlardan sonra çərşənbə axşamı Belarus və Azərbaycan arasında bir sıra əməkdaşlıq sazişləri imzalanıb.
-
Azərbaycanın dövlət borcları artmaqda davam edir, baxmayaraq ki, ölkə hələ də qlobal neft qiymətlərinin yüksək olmasından faydalanır. Azərbaycan Maliyyə Nazirliyinin məlumatına görə, 2024-cü ilin ilk yarısına olan vəziyyətə əsasən, ölkənin dövlət borcu 25 milyard manat təşkil edib ki, bu da Ümumi Daxili Məhsulun (ÜDM) 21%-nə bərabərdir.
Rəy yaz