Bank of Baku Dostlar klubuna daxil olanlara ikiqat bonus təklif edir
“Bank of Baku” müştərilərini güzəştlərlə təmin etmək məqsədi ilə onları “Dostlar klubu”na dəvət edir.
Bankdan verilən məlumata görə, bu güzəştlərdən “Bank of Baku” ilə 12 ay və daha artıq müddət əməkdaşlıq edib müsbət kredit tarixçəsinə malik olan, lakin klub kartlarını hələ də əldə etməmiş müştərilər faydalana bilərlər. Bunun üçün yeganə şərt “Dostlar klubu” kartını almaqdır.
Beləliklə, 7 may 2013-cü il tarixindən etibarən 1 ay ərzində Gümüş, Qızıl və ya Brilyant kartı alan müştərilər ikiqat hədiyyə bonusları alacaqlar. Misal üçün, Brilyant kart sahibi, göstərilmiş müddət ərzində kartını əldə etsə onun plastik kartına 5 yox, 10 manat məbləğində hədiyyə bonusu yüklənəcək. Hədiyyəli bonuslarla digər növ kart sahibləri də təmin ediləcək.
Xatırladaq ki, kart sahiblərinə ayrılan bonus yeni kredit zamanı komissiya haqqının ödənilməsinə sərf edilir və ya onu mobil danışıq balansına çevirmək olur. Beləliklə, müştəri yenidən bank məhsullarından yararlandıqda daha az miqdarda komissiya haqqı ödəyir.
“Dostlar klubu”nun üzvləri üçün bir sıra endirim və güzəştlər var. Klub üzvləri az miqdarda komissiya haqqı ödəyir, arayışsız və sərfəli faiz dərəcəsi ilə 10000 AZN-ə qədər kredit alır, həmçinin onların kartına təcili kredit məbləği yüklənir.
2011-ci ildə təsis edilən “Dostlar klubu” müştərilərin böyük marağı ilə qarşılanıb və qısa müddət ərzində kluba artıq 90000-nə yaxın şəxs qoşulub. —15D—
İqtisadiyyat
-
İqtisadiyyat Nazirliyində yerli istehsalın stimullaşdırılması və ixrac potensialının genişləndirilməsi yollarının araşdırılması məqsədilə iyulun 26-da qeyri-neft sənayesi sahibkarları ilə görüş keçirilib.
-
Azərbaycanın internet provayderləri “Aztelekom” və “Baktelekom” avqustun 15-də qiymət strukturunda böyük dəyişikliklər edəcək. Yeni tariflərə əsasən, minimum internet sürəti 100 Mbit/s-dək artacaq, Mbit/s-nin qiyməti 0,45 AZN-dən 0,25 AZN-ə enəcək. Müvafiq olaraq, ödəniş 100 Mbit/s üçün 25 AZN, 150 Mbit/s üçün 30 AZN, 250 Mbit/s üçün 36 AZN-ə uyğunlaşdırılacaq.
-
Müstəqil ekspertlər Azərbaycanın ticarət dövriyyəsinin və ödəniş profisitinin azalması səbəbindən öz valyutası manatın növbəti devalvasiyası ərəfəsində ola biləcəyini ehtimal edirlər. Gözlənilən iqtisadi düzəlişlər valyuta axınının azalması və neft hasilatının azalması fonunda baş verir.
-
Azərbaycanın Xarici İşlər Naziri Ceyhun Bayramov bu gün Azərbaycan Xarici İşlər Nazirliyində Somalinin Xarici İşlər və Beynəlxalq Əməkdaşlıq Naziri Əhməd Moallim Figi ilə görüşüb. Bu görüş, əvvəlki gün Figi ilə Azərbaycanın İqtisadiyyat Naziri Mikail Cabbarov arasında keçirilmiş müzakirələrdən sonra baş tutub.
Rəy yaz