«Bank of Baku» ASC-nin aktivləri aprelin 1-i üçün 591,35 mln manat (ötən ilin eyni dövründə nisbətən mənfi 26%, o vaxt 797,84 mln manat olub) təşkil edib.
Nağd vəsait də ötən illə müqayisədə 37,78 mln-dan 25,06 mln manata azalıb. I rübdə kredit portfeli 386,63 mln manat olub. Ötən il 621,47 mln manat idi.
Ötən il aprelin 1-i üçün depozit hesablarında 459,17 mln, bu il 328,76 mln manat olub. Nizamnamə kapitalı 52,87 mln manat (dəyişməyib), xüsusi kapital 61,27 təşkil edib (əvvəl 106,48 mln manat).
«Bank of Baku» ASC 1994-cü ildən fəaliyyət göstərir. Müşahidə Şurasının sədri Elçin İsayev, İH sədri Abbas İbrahimovdur.
2014-cü ildə təsisçilər arasında dəyişiklik olub – Hikmət İsmayılov (21,11%) Azİnvest MMC və Rafiq Əliyevin (sabiq iqtisadiyyat naziri Fərhad Əliyevin qardaşı) paketini alıb. NAB Holding 40%, Azpetrol 28,89% MMC, Elçin İsayev 10% səhm sahibidir. --17D—
İqtisadiyyat
-
Neft gəlirlərindən çox asılı olan Azərbaycan iqtisadiyyatı 2021-ci il üçün “Carbon Tracker” hesabatında “Neft dövlətlərindən kənarda: Enerji keçidi kontekstində neftdən asılılığın azaldılmasına təcili ehtiyac” adlı sərt xəbərdarlıqla üzləşir. Hesabatda Azərbaycan neftdən asılı olan ən həssas ölkələrə və onu növbəti onillikdə neft və qaz gəlirlərinin 40%-dən çox azalması gözlənilən ölkələr üçün nəzərdə tutulan “Qrup 5”ə daxil edilir. Bu qrupa Anqola, Bəhreyn, Timor-Leste, Ekvatorial Qvineya, Oman və Cənubi Sudan daxildir və bu, həmin dövlətlər üçün ortaq iqtisadi riskləri göstərir.
-
Azərbaycanın qeyri-neft və qaz ixracı 2024-cü ilin ilk on ayında illik müqayisədə 3,5% artaraq 2,8 milyard dollar təşkil edib. Bu barədə İqtisadi İslahatların Təhlili və Kommunikasiya Mərkəzinin (İİTKM) noyabr ayı üzrə “İxrac İcmalı”nda bildirilib.
-
"Azərbaycan Dəmir Yolları" QSC (ADY), Nazirlər Kabinetinin noyabr ayında iş və istirahət günlərinin dəyişdirilməsi ilə bağlı qərarına uyğun olaraq, COP29 tədbiri zamanı sərnişinlərin təhlükəsiz və rahat səfərlərini təmin etmək məqsədilə şəhərətrafı və ölkədaxili qatarların cədvəlində dəyişikliklər edəcək.
-
Azərbaycanda hökumət daxili bazar qiymətlərini sabit saxlamaq üçün idxal olunan mallara vergi güzəştlərindən daha çox istifadə edir. Bu ilin sonunda uzadılmış buğda idxalı üzrə 18%-lik ƏDV-dən azad edilmə qərarı bu yanaşmanın bir nümunəsidir. Eyni zamanda, yeni tədbirlər çərçivəsində elektrik avtomobilləri üçün enerji doldurma qurğularının idxalına vergi güzəştləri tətbiq olunub, yüksək qiymətli dərman preparatlarının idxalı üzrə vergi azadolmaları isə müzakirə mərhələsindədir. Diqqətəlayiq haldır ki, müdafiə təyinatlı məhsulların idxalı vergi və gömrük rüsumlarından tam azaddır.
Rəy yaz