“Bank Respublika” səhmdarlarının ümumi yığıncağında nizamnamə kapitalının 20 mln manat artırılması haqqında qərar qəbul edilib, deyə bank məlumat verir.
Nizamnamə kapitalının artırılmasında başlıca məqsəd bankı əlavə kapitalla təmin etməklə, bankın dayanıqlı və sabit inkişafını təmin etməkdir.
Beləliklə, bankın nizamnamə kapitalı 77 mln 461 min manata çatacaq. Qeyd edək ki, «Bank Respublika»nın aktivləri 2016-cı ildə 912 mln 117 min manat, öhdəlikləri 871 mln 793 min manat, kapitalı 40 mln 324 min manatdır..
Bank 2016-cı ili 34 mln 609 min manat ziyanla başa vurub.
«Bank Respublika» 1992-ci ildən fəaliyyət göstərir. Səhmdarları sırasında Almaniyanın iki tanınmış maliyyə institutu təmsil olunur – KfW (Almaniyanın Dövlət Bankı) bank qrupunun üzvü DEG İnvestisiya Şirkəti və Sparkassen-Finanzgruppe maliyyə qrupunun üzvü Sparkassen International Development Trust. 71D
İqtisadiyyat
-
Azərbaycan Prezidenti yanvarın 16-da süni intellekt, blokçeyn və 5G şəbəkələri kimi müasir texnologiyaların tətbiqi ilə idarəetmə, iqtisadiyyat və cəmiyyətdə milli transformasiyaya zəmin yaradacaq genişmiqyaslı Rəqəmsal İnkişaf Konsepsiyasını təsdiq edib.
-
Azərbaycan və Maldiv adaları iqtisadi əlaqələri gücləndirmək üçün mühüm addımlar atıb. Azərbaycan İxrac və İnvestisiyaların Təşviqi Agentliyi (AZPROMO) ilə Maldivlərin investisiyaların təşviqi agentliyi olan "Invest Maldives" arasında keçirilən görüşdə daşınmaz əmlak, yaşıl enerji, turizm və nəqliyyat kimi əsas sahələrdə əməkdaşlıq imkanları müzakirə olunub.
-
Azərbaycan İqtisadiyyat Nazirliyi dövlət-özəl tərəfdaşlığı çərçivəsində içməli su istehsalı üçün duzsuzlaşdırma zavodunun tikintisinə dair tenderin nəticələrini elan edib.
-
2025-ci ilin məhsulu üçün payızlıq əkin kampaniyasını başa çatır. Dövlət Statistika Komitəsinin məlumatına görə, 1 yanvar tarixinə olan vəziyyətə əsasən, taxıl və yaşıl yem üçün payızlıq əkinlər 941,700 hektar ərazidə aparılıb.
Rəy yaz