Bank Respublikanın dəstəyi ilə Mübariz İbrahimov adına liseydə interaktiv sinif yaradılıb

Bank Respublika milli qəhrəman Mübariz İbrahimovun adını daşıyan Biləsuvar lisey-məktəb kompleksində müasir avadanlıqla təchiz olunmuş MİMİO qurğulu interaktiv təlim otağının yaradılmasına dəstək verib.

Milli Qurtuluş günü ərəfəsində Bank Respublika-nın nümayəndə heyəti də təlim otağının təqdimatı mərasimində iştirak ediblər. Təqdimatdan öncə Bank əməkdaşları çıxışlarında ölkəmizdə beynəlxalq təhsil standartlarına cavab verən məktəb-lisey kompleksinin olmasından məmnun olduqlarını bildiriblər və yaradılmış MİMİO qurğulu interaktiv otağın təhsil keyfiyyətinə müsbət təsir göstərəcəyini vurğulayıblar. Onlar əlavə ediblər ki, belə dərslər çox dinamik olur, şagirdlər səylə çalışırlar, məqsədə çatmaq üçün bilik və bacarıqlarını, yaradıcılıq qabiliyyətlərini fəallıqla nümayiş etdirirlər.

MimioTeach interaktiv sistemi hər hansı ağ dərs lövhəsini tam interaktiv lövhəyə çevirə bilər. Güclü MimioStudio proqram təminatı ilə təchiz olunmuş sistem təhsil imkanlarını kəskin şəkildə artırır.

Bundan başqa, interaktiv təlim otağı bütövlükdə Bank Respublika tərəfindən planşet kompüterləri ilə təchiz olunub. Bankın Filiallarla İş Departamentinin direktoru Emil Rüstəmov təqdimatdan sonra tədbir iştirakçılarını Milli Qurtuluş günü münasibətilə təbrik edib və bildirib ki, Biləsuvar lisey-məktəbinə göstərilən dəstək davamlı olacaq.—15D--