Bu ilin 3 rübündə "Bank Standard" QSC-nin gəlirləri 59,97 mln manat olub. Bunun 16%-i qeyri-faiz gəlirlərdir və onlar ötən ilin eyni dövrü ilə müqayisədə 13,2% azalıb. İl ərzində ümumi gəlirlərdə qeyri-faiz gəlirlərin payı 6,6 faiz bəndi, 2010-cu ilin yanvar-sentyabrı ilə müqayisədə 10,4 faiz bəndi azalıb. Bank 2011-ci ilin üçüncü rübünün sonundan xərcləri və məcmu kapitalı barədə məlumatları gizlədir.
2012-ci ilin yanvar-sentyabrında aktivlər 11,3% artaraq 767,16 mln manat olub. Fiziki və hüquqi şəxslərə verilən kredit həcmi 493,27 mln manatadək artıb.
Depozit portfeli 502,83 mln manat olub. Bunun 399,01 mln manatı müddətli müştəri əmanətləridir.
Balans kapitalı 7,6 mln manat və ya 10,9 % azalaraq 62,33 mln manat olub. Ödənilmiş nizamnamə fondu 75 mln manat səviyyəsində qalıb.--15B--
İqtisadiyyat
-
Azərbaycanın ümumi daxili məhsulu (ÜDM) 2024-cü ildə 126,3 milyard manat təşkil edərək, əvvəlki illə müqayisədə 3 milyard manat və ya 2,4% artım göstərib. Bu barədə məlumat Dövlət Statistika Komitəsi tərəfindən açıqlanıb. 2023-cü ildə nominal ÜDM 123 milyard manat səviyyəsində idi.
-
Dövlət Statistika Komitəsinin son məlumatlarına görə, 2024-cü il dekabrın 1-nə olan vəziyyətə əsasən, Azərbaycanda muzdlu işçilərin ümumi sayı 1,775 milyon nəfər təşkil edib ki, bunun 884,400 nəfəri dövlət sektorunda, 890,900 nəfəri isə qeyri-dövlət sektorunda çalışır. Bu göstərici yeddi il əvvəl hökumətin qarşıya qoyduğu iddialı hədəflərdən xeyli aşağıdır və xüsusilə gənclər arasında məşğulluq imkanları ilə bağlı narahatlıqları artırır.
-
Azərbaycan Respublikasının hüquqi və fiziki şəxsləri 2024-cü ilin yanvar-noyabr aylarında dünyanın 176 ölkəsindəki tərəfdaşlarla ticarət əməliyyatları həyata keçirib, 120 ölkəyə məhsul ixrac edib, 167 ölkədən isə idxal edib. Bu barədə Dövlət Gömrük Komitəsi məlumat yayıb.
-
Pərakəndə ticarət dövriyyəsi 2024-cü ildə real ifadədə 3,9% artaraq 62,2 milyard manata çatıb, Dövlət Statistika Komitəsinin məlumatı göstərir. Ərzaq məhsulları, içkilər və tütün məmulatları 34,1 milyard manat, qeyri-ərzaq malları isə ümumi məbləğin 28,1 milyard manatını təşkil edib.
Rəy yaz