"Bank VTB" (Azərbaycan) ASC 12 avqustdan nominalı 0,2 manat olan 135 mln adi sənədsiz adlı səhmi yerləşdirməyə başlayır, deyə Bakı Fond Birjası məlumat verir..
Buraxılış birjanın qeyri-kotirovka vərəqinə daxil edilib. Yerləşdirmə kütləvi təklif yolu ilə olacaq. Anderrayter "Brokdil-az" MMC-dir.
Səhmlərin yerləşdirilməsi səhmlərin yerləşdirilməsindən sonra 130 (yüz otuz) təqvim günü ərzində 2 (iki) mərhələdə həyata keçiriləcək. Birinci mərhələdə səhmlərin yerləşdirilməsinin başlanma tarixindən ilk 120 (yüz iyirmi) təqvim günü ərzində səhmlərin əldə edilməsində üstünlük hüququ Bankın səhmdarlarına onlarda olan səhmlər miqdarına mütənasib qaydada veriləcək. Ikinci mərhələdə isə, sonrakı 10 (on) təqvim günü ərzində səhmlərin əldə edilməsi hüququ istənilən digər şəxslərə veriləcək. Bank VTB 2008-ci ildə Azərbaycanın AF Bankının səhmlərinin 51%-i alıb və rebrendinq keçirib. --15D--
İqtisadiyyat
-
Dekabrın 21-də Azərbaycan və Rusiya arasında “Şimal-Cənub” beynəlxalq nəqliyyat dəhlizi ilə tranzit yükdaşımaların inkişafı məqsədilə əməkdaşlıq haqqında Saziş imzalanıb.
-
Yüzlərlə yük maşını Qazaxıstanın Kurık limanında ilişərək Azərbaycana bərə ilə keçmək üçün bir neçə gün gözləyir, lada.kz portalı xəbər verir. Bu durğunluq bərələrin azlığı, əlverişsiz hava şəraiti və Rusiyaya qarşı sanksiyaların genişlənməsi səbəbindən marşrutların dəyişdirilməsi ilə əlaqədardır.
-
Müstəqil Sənayeçilər və İş Adamları Dərnəyinin (MÜSİAD) üzvləri son üç il ərzində Azərbaycanın iqtisadiyyatına 61,3 milyon manat sərmayə yatırıb. Bu barədə "MÜSİAD Azərbaycan" İdarə Heyətinin sədri Rəşad Cabirli mətbuat konfransında bildirib.
-
Qlobal iqtisadiyyat davamlı problemlərlə üzləşdiyi bir vaxtda, Çin ilə Azərbaycan arasındakı ticarət azalma tendensiyalarını üstələyərək əhəmiyyətli artım nümayiş etdirib. Azərbaycanın rəsmi statistikasına əsasən, 2023-cü ildə iki ölkə arasındakı ticarət dövriyyəsi 3,1 milyard ABŞ dollarına çatıb. Yalnız 2024-cü ilin ilk on ayında ticarət həcmi illik hesablamada 17,1% artaraq 3,02 milyard ABŞ dollarına yüksəlib və illik ticarət göstəricisinin rekord səviyyəyə çatacağı gözlənilir.
Rəy yaz