Banklara borcu olanların qanunsuz həbsi təhlükəli həddə çatır

 Azərbaycanda bank borcu olanların həbs halları çoxalır. Kredit borcu olanların təqibi yerli qanunvericilik və Avropa İnsan Haqları Konvensiyasına ziddir.

Bu, yeganə Avropa ölkəsindir ki, bank borca görə həbs tətbiq edilir. Banklar borcluları məhkəməyə verir, məhkəmə icraçıları protokol tərtib edirlər.

İki azyaşlı uşağı olan 38 yaşlı işsiz Mübariz Bayramov Unibankdan götürdüyü 3 min manat borcu qaytara bilmir. Nərimanov Məhkəməsi onu məhkəmə qərarını icra etmədiyi üçün 5 sutkalığa həbs edib. Apellyasiya Məhkəməsi isə hökmü qüvvədə saxlayıb. Məhkəmə borclunun maddi vəziyyətini nəzərə almayıb və qanunu pozub.

Digər bir həbs hadisəsi martda olub. Səbali rayon Məhkəməsi «Rabitəbank»a 7 min 225,7 manat borcu olan Vahid Kərimova inzibati həbs cəzası verib. «İki azyaşlı uşağı olan işsiz ata 200 manat tapıb borcunu ödəyib. Borclu və iki zamini heç nə ödəməyib, amma heç kəs onları narahat etmir», - «Antikollekor» hüquq firmasının rəhbəri Əkrəm Həsənov bildirir. İşə Avropa İnsan Haqları Məhkəməsi baxacaq.

Əkrəm Həsənovun sözlərinə görə, vətəndaş üzrsüz səbəbdən məhkəmə qərarını icra etmirsə, bir ay həbs edilə bilər. «Həbslər qanunsuzdur, çünki borcluların gəlir mənbəyi yoxdur. Amma bu fakt nəzərə alınmır, məhkəmə qərarı sübutsuz verilir, yəni adamları guya banka borcuna görə yox, məhkəmə qərarını icra etmədiyinə görə həbs edirlər.

Bu halda məhkəmələr İnzibati Xətalar Məcəlləsinin 528.1 maddəsinin tələblərini, təqsirsizlik prezumpsiyasını, beynəlxalq hüquq qaydalarını pozur. Avropa İnsan Haqları Konvensiyasına görə, borcu ödəmək imkanı olmayanlar həbs edilə bilməz. --17D—