Azərbaycan Mərkəzi Bankının təşkilati dəstəyi ilə "Visa İnt." beynəlxalq ödəniş sistemi kommersiya bankları üçün “Əvvəlcədən ödənilmiş kartlar” mövzusunda seminar keçirilib.
Seminarda əvvəlcədən ödənilmiş kartlar və onların növləri, kart məhsulu olaraq fərqləndirici xüsusiyyətləri, bu sahədə mövcud beynəlxalq təcrübə, o cümlədən əvvəlcədən ödənilmiş kartların emitent və kart sahibi baxımından üstünlükləri haqqında məlumat verilib.
Müzakirələr zamanı əvvəlcədən ödənilmiş kartların daha geniş yayılmış növləri, bu kart məhsulu üzrə emitent bankların əsas gəlir və xərc istiqamətləri, bankların bu kart məhsulunun emissiyası üzrə nəzərə almalı olduğu mühüm amillər açıqlanıb.
Seminarda Visa İnt.” beynəlxalq kart təşkilatının Qafqaz regionu üzrə regional meneceri İrina Kamxadze, Rusiya və MDB ölkələri üzrə əvvəlcədən ödənilmiş kart məhsulları üzrə departament direktoru Denis Kononeç, həmçinin ölkədə fəaliyyət göstərən kommersiya bankların nümayəndələri iştirak edib. –15D--
İqtisadiyyat
-
Dekabrın 21-də Azərbaycan və Rusiya arasında “Şimal-Cənub” beynəlxalq nəqliyyat dəhlizi ilə tranzit yükdaşımaların inkişafı məqsədilə əməkdaşlıq haqqında Saziş imzalanıb.
-
Yüzlərlə yük maşını Qazaxıstanın Kurık limanında ilişərək Azərbaycana bərə ilə keçmək üçün bir neçə gün gözləyir, lada.kz portalı xəbər verir. Bu durğunluq bərələrin azlığı, əlverişsiz hava şəraiti və Rusiyaya qarşı sanksiyaların genişlənməsi səbəbindən marşrutların dəyişdirilməsi ilə əlaqədardır.
-
Müstəqil Sənayeçilər və İş Adamları Dərnəyinin (MÜSİAD) üzvləri son üç il ərzində Azərbaycanın iqtisadiyyatına 61,3 milyon manat sərmayə yatırıb. Bu barədə "MÜSİAD Azərbaycan" İdarə Heyətinin sədri Rəşad Cabirli mətbuat konfransında bildirib.
-
Qlobal iqtisadiyyat davamlı problemlərlə üzləşdiyi bir vaxtda, Çin ilə Azərbaycan arasındakı ticarət azalma tendensiyalarını üstələyərək əhəmiyyətli artım nümayiş etdirib. Azərbaycanın rəsmi statistikasına əsasən, 2023-cü ildə iki ölkə arasındakı ticarət dövriyyəsi 3,1 milyard ABŞ dollarına çatıb. Yalnız 2024-cü ilin ilk on ayında ticarət həcmi illik hesablamada 17,1% artaraq 3,02 milyard ABŞ dollarına yüksəlib və illik ticarət göstəricisinin rekord səviyyəyə çatacağı gözlənilir.
Rəy yaz