Губад Ибадоглу
Benzinin bahalaşması korporativ maraqlardan yaranıb
Bakı/15.07.17/Turan: "Aİ-92 markalı benzinin qiymətinin qalxmasının iki səbəbi var", - iqtisadçı ekspert Qubad İbadoğlu Tarif Şurasının qərarını Turan-a şərh edərkən deyib. Onun sözlərinə görə, ilk növbədə bu, SOCAR-ın indiki durumu ilə bağlıdır: "Bu qiymət artmı ilə hökumət SOCAR-ı hər il artan zərərdən və borcdan xilas etmək istəyir, odur ki, mövcud bahalaşma korporativ maraqlardan yaranıb". - Q.İbadoğlu bildirib.
Digər tərəfdən, hökumətin öz maraqları da var. Belə ki, SOCAR-ın büdcə öhədlikləri var və bu qiymət artımı ilə bu məsələ qismən həllini tapır.
Digər səbəb dövriyyəyə daha çox manat kütləsi cəlb etməkdir. Beləliklə, burada manatın indiki məzənnəsini saxlamaq məəsləsi də var, çünki bu bahalaşma ilə əhalinin xərcləri də artır. Bu isə əhalinin yığım, valyuta dəyişilmə imkanlarının azalması deməkdir.
Q.İbadoğlu Tarif Şurasının hətta bu bahalaşmadan sonra Azərbaycanda benzinin qiymətinin yaxın qonşu ölkələrlə müqayisədə ucuz olması haqda bəyanatını əsassız sayır: "Türkmənistan, Qazaxıstan, İran, hətta Azərbaycan benzinini satan Gürcüstanda belə benzinin qiyməti Azərbaycanda olduğundan ucuzdur", - o vurğulayıb.
Ekspert hesab edir ki, bu bahalaşma inflyasiyanı yüksəldəcək, hazırda 13% olan inflyasiya 15-20%-ə qədər yüksələ bilər.
Ötən gecə Tarif Şurası ölkə ərazisində Aİ-92 markalı benzinin qiymətini 70 qəpikdən 90 qəpiyə qaldırıb.-06D--
İqtisadiyyat
-
İqtisadiyyat Nazirliyində yerli istehsalın stimullaşdırılması və ixrac potensialının genişləndirilməsi yollarının araşdırılması məqsədilə iyulun 26-da qeyri-neft sənayesi sahibkarları ilə görüş keçirilib.
-
Azərbaycanın internet provayderləri “Aztelekom” və “Baktelekom” avqustun 15-də qiymət strukturunda böyük dəyişikliklər edəcək. Yeni tariflərə əsasən, minimum internet sürəti 100 Mbit/s-dək artacaq, Mbit/s-nin qiyməti 0,45 AZN-dən 0,25 AZN-ə enəcək. Müvafiq olaraq, ödəniş 100 Mbit/s üçün 25 AZN, 150 Mbit/s üçün 30 AZN, 250 Mbit/s üçün 36 AZN-ə uyğunlaşdırılacaq.
-
Müstəqil ekspertlər Azərbaycanın ticarət dövriyyəsinin və ödəniş profisitinin azalması səbəbindən öz valyutası manatın növbəti devalvasiyası ərəfəsində ola biləcəyini ehtimal edirlər. Gözlənilən iqtisadi düzəlişlər valyuta axınının azalması və neft hasilatının azalması fonunda baş verir.
-
Azərbaycanın Xarici İşlər Naziri Ceyhun Bayramov bu gün Azərbaycan Xarici İşlər Nazirliyində Somalinin Xarici İşlər və Beynəlxalq Əməkdaşlıq Naziri Əhməd Moallim Figi ilə görüşüb. Bu görüş, əvvəlki gün Figi ilə Azərbaycanın İqtisadiyyat Naziri Mikail Cabbarov arasında keçirilmiş müzakirələrdən sonra baş tutub.
Rəy yaz