Cümə günü “Azərbaycan Beynəlxalq Bankı” ASC-nin mövcud səhmdarları üçün 4 aylıq imtiyaz dövrü başa çatır. Aprelin 7-də səhər bank səhmlərin 63%-i (485 mln 332,2 min ədəd) yerləşdirib.
Bakı Fond Birajsının məlumatına görə, ötən cümə növbəti səhm yerləşdirilməsi olub. 49 sifariş üzrə 15 mln 305,5 min manatlıq səhm alınıb.
Bu həftə mövcud səhmdarlar müraciət etməsə, gələn həftədən 2 həftə ərzində investorlar səhmləri nominala və bah ala bilər. Əvvəlki emissiyalarda səhmlər ilk gündəcə alınıb.
Yerləşdirmədə 292 fiziki və hüquqi şəxs, o cümlədən Maliyyə Nazirliyi (50,2% pay) iştirak edib. Bank 126 mln 186,3 min manat əldə edib. ABB-nin ödənilmiş nizamnamə kapitalı 494,5 mln manatdır.
Yerləşdirmə başa çatanda (12 iyun) nizamnamə kapitalı 568,3 mln manata çatacaq. ABB 2015-2017-ci illərdə ildə 100 mln manat cəlb etmək istəyir.
Anderrayter "International Transaction System" MMC-dir.
Səhmlərin nominalı 0,26 manat, bazar qiyməti 0,18 manatdır. Bankın səhmdarları 14 hüquqi və 1800 fiziki şəxsdir. 08D
İqtisadiyyat
-
2024-cü ilin sonunda Azərbaycanda inflyasiya 5.1, 2025-ci ildə 5.8 faiz proqnozlaşdırılır. Bu barədə Mərkəzi Bankın açıqlamasında bəhs edilir. Halbuki, altı ay öncə, (aprel) qurum inflyasiyanın 2024-cü ildə 3.5, 2025-ci ildə isə 4.2 faiz olacağını proqnozlaşdırmışdı.
-
Nazirlər Kabineti Dövlət Turizm Agentliyinin tabeliyində olan "Turizm və Rekreasiya Zonalarının İdarə Edilməsi və İnkişafı Mərkəzi" publik hüquqi şəxsin nizamnaməsini təsdiq edib. 4 noyabr tarixində qəbul edilmiş bu qərar, 2 avqust 2024-cü il tarixli prezident fərmanında göstərilən tələblərin yerinə yetirilməsini nəzərdə tutur.
-
Azərbaycanın Sumqayıt şəhərində içməli su istehsal edən yeni bir duzsuzlaşdırma zavodunun tikintisi planlaşdırılır. Bu layihə Bakı və Abşeron yarımadasında artan su tələbatını qarşılamağı hədəfləyir. Layihənin təqdimatı noyabrın 5-də zavodun tikintisi üzrə keçirilmiş tender üçün təkliflərin açılış mərasimində baş tutub. Bu barədə "Turan" agentliyi məlumat yayıb.
-
Heydər Əliyev Beynəlxalq Aeroportu Bakını 30-dan çox ölkədə 80-dən çox beynəlxalq istiqamətlə birləşdirir və Azərbaycan üçün mühüm tranzit qovşağı kimi rolunu gücləndirib. London, Paris və Roma kimi Avropanın böyük şəhərlərini, eləcə də Yaxın Şərq, Mərkəzi və Cənubi Asiyanın strateji nöqtələrini birləşdirən marşrutları ilə hava limanı Azərbaycanda turizmin və tranzitin genişlənməsinin mərkəzinə çevrilib.
Rəy yaz