Beynəlxalq Bankın alternativ pensiya yığımı sistemi

Azərbaycan Beynəlxalq Bankı “Pensiya əmanəti” məhsulu təqdim edir. 

Bankın pərakəndə biznesi departamentinin direktoru Elmir Həbibullayevin verdiyi məlumata görə, bu, DSMF-nin icbari sosial sığorta sisteminə alternativdir. “Pensiya əmanəti” minimum 15 illik yığımdır. 

Şərtlərə görə, əmanətçi 50 yaşında “pensiyaya çıxa” bilər. Məsələn, ayda 100 manat pul köçürən şəxs 15 ildə 18000 manat toplayır. Bank bu məbləğə 18 107 manat əlavə edir. Nəticədə müştəri 36 107 manat əldə edir. Əgər əmanət 32 il müddətinə açılırsa, yığımların həcmi 5 dəfə artır.

32 ildə məbləğ 38 400 manata çatır. Bankın məbləğə əlavəsi (hər ay 100 manat əmanətə bank 408,2 artırır) 156745 manata çatır, nəticədə 195145 mnat alınır. 

Əgər 45 il vəsait köçürülərsə, məbləğ 11 dəfə artır. Yığılan 54 min manata 553 min.693 manat (cəmi 607693) artırılır və ya hər aylıq 100 manata bank 1025,4 artırır.

Bu əmanətin üstünlüklərindən biri də odur ki, əmanətçi vəfat etdiyi halda, bütün ayırmalar və hesablanmış faizlər tam həcmdə miras kimi varislərinə ötürülür. Əmanət üzrə müddət başa çatandan sonra əmanətçi yığılan vəsaitləri həm geri götürə, həm də əmanəti saxlaya bilər. 

Hazırda Azərbaycanda çevik yığım məhsulu yoxdur. “Pensiya əmanəti” ən əlverişli əmanət sayıla bilər.—15D--