Beynəlxalq bankın törəmə strukturunun istiqraz vərəqələri «Bank Rossiya»nın Lombard siyahısına salınıb

Azərbaycan Beynəlxalq Bankının törəmə şirkəti olan «ABB-MOSKVA»nın istiqraz vərəqələri «Bank Rossiya»nın Lombard siyahısına salınıb. 

Bankdan verilən məlumata görə, indi kredit təşkilatları tərəfindən RF MB-dan lombard krediti alınarkən «ABB-MOSKVA»nın istiqraz vərəqələri girov qismində çıxış edə biləcək. «Bank Rossiya»nın Xarici və İctimai Əlaqələr Departamentinin məlumatına görə, «Bank Rossiya»nın direktorlar şurasının qərarına uyğun olaraq («Bank Rossiya»nın direktorlar şurasının iclasının 9 avqust 2013-cü il tarixli 17№ protokolu) «Bank Rossiya»nın lombard siyahısına qiymətli kağızlar qismində «ABB-MOSKVA» bankının buraxılışın dövlət qeydiyyat nömrəsi 40103395V olan istiqraz vərəqələri daxil edilib.

Qeyd etmək lazımdır ki, Lombard siyahısı –emitentlərin istiqraz vərəqələri siyahısıdır. Onların kredit keyfiyyətini RF MB müəyyən edir. İndi «ABB-MOSKVA» bankın istiqraz vərəqələri indi kredit təşkilatları tərəfindən RF MB-dan lombard krediti alınarkən girov qismində çıxış edə biləcək. 

Xatırladaq ki, cari ilin iyun ayında «ABB-MOSKVA» bankı 3 mlrd Rusiya rublu məbləğində istiqraz vərəqəsi yerləşdirib, beynəlxalq reytinq agentliyi FITCH isə öz növbəsində istiqrazların buraxılışına «BB» səviyyəli (stabil) final reytinqi verib. Buraxılışa «Azərbaycan Beynləlxalq Bankı» ASC (Bakı ş. Azərbaycan) tərəfindən qaytarılmaz ofert şəklidə təminat verilib. 2012-cü ilin iyul ayında MBFB-da siyahıdan kənar qiymətli kağızlar bölməsində «ABB-MOSKVA» bankının istiqraz vərəqələrinin (19.12.12 il tarixli DQN 40103395V) satışı başlayıb.—15D--