Dövlət Standartlaşdırma, Metrologiya və Patent Agentliyi beş ərzaq məhsulunun (nar, buğda unu, zeytun yağı, kərə yağı, şokolad və şokolad məhsulları) dövlət standartlarını təsdiq edib (http://goo.gl/3VELBD).
AZS 810-2015 (CODEX STAN 310-2013) nar standartı (Punica granatum) yalnız istehlakçılara satış üçün qablaşdırılmış ərzaq məhsullarına şamil edilir.
Nar keyfiyyət xüsusiyyətlərinə görə üç qrupa ayrılıb (ekstra, birinci və ikinci sinif). Standartda həmçinin narla bağlı kalibrləmə, markalama və yol verilən kənaraçıxmalar, kirlənmə, qablaşdırılma və gigiyena tələbləri müəyyən edilib.
Həmçinin, yeyinti məhsullarında baytarlıq preparatlarının qalıqlarına dair yol verilən maksimum konsentrasiyalar (AZS 841-2015 (CAC/MRL-2-2015), qida gigiyenasının ümumi prinsipləri (AZS 842-2015 (CAC/RCP1-2015) üzrə standartlar və istehlakçılar üçün qida məhsulları haqqında məlumat (AZS 843-2015 təsdiq edilib.
Bütün standartlar beynəlxalq, Avropa və Rusiya standartlarının tərcüməsi əsasında hazırlanıb. -08D-
İqtisadiyyat
-
Neft gəlirlərindən çox asılı olan Azərbaycan iqtisadiyyatı 2021-ci il üçün “Carbon Tracker” hesabatında “Neft dövlətlərindən kənarda: Enerji keçidi kontekstində neftdən asılılığın azaldılmasına təcili ehtiyac” adlı sərt xəbərdarlıqla üzləşir. Hesabatda Azərbaycan neftdən asılı olan ən həssas ölkələrə və onu növbəti onillikdə neft və qaz gəlirlərinin 40%-dən çox azalması gözlənilən ölkələr üçün nəzərdə tutulan “Qrup 5”ə daxil edilir. Bu qrupa Anqola, Bəhreyn, Timor-Leste, Ekvatorial Qvineya, Oman və Cənubi Sudan daxildir və bu, həmin dövlətlər üçün ortaq iqtisadi riskləri göstərir.
-
Azərbaycanın qeyri-neft və qaz ixracı 2024-cü ilin ilk on ayında illik müqayisədə 3,5% artaraq 2,8 milyard dollar təşkil edib. Bu barədə İqtisadi İslahatların Təhlili və Kommunikasiya Mərkəzinin (İİTKM) noyabr ayı üzrə “İxrac İcmalı”nda bildirilib.
-
"Azərbaycan Dəmir Yolları" QSC (ADY), Nazirlər Kabinetinin noyabr ayında iş və istirahət günlərinin dəyişdirilməsi ilə bağlı qərarına uyğun olaraq, COP29 tədbiri zamanı sərnişinlərin təhlükəsiz və rahat səfərlərini təmin etmək məqsədilə şəhərətrafı və ölkədaxili qatarların cədvəlində dəyişikliklər edəcək.
-
Azərbaycanda hökumət daxili bazar qiymətlərini sabit saxlamaq üçün idxal olunan mallara vergi güzəştlərindən daha çox istifadə edir. Bu ilin sonunda uzadılmış buğda idxalı üzrə 18%-lik ƏDV-dən azad edilmə qərarı bu yanaşmanın bir nümunəsidir. Eyni zamanda, yeni tədbirlər çərçivəsində elektrik avtomobilləri üçün enerji doldurma qurğularının idxalına vergi güzəştləri tətbiq olunub, yüksək qiymətli dərman preparatlarının idxalı üzrə vergi azadolmaları isə müzakirə mərhələsindədir. Diqqətəlayiq haldır ki, müdafiə təyinatlı məhsulların idxalı vergi və gömrük rüsumlarından tam azaddır.
Rəy yaz