BFB birjadankənar işlər barədə daha məhdud informasiya verməyə başlayıb

Bu ilin noyabrından Bakı Fond Birjası birjadankənar qiymətli kağızlar bazarı barədə daha məhdud informasiya verməyə başlayıb. Birjada bunu «fəallığın olmaması» ilə izah edirlər, hərçənd birjadankənar əməliyyatlar birja göstəricisindən bir neçə dəfə çoxdur. 

Qiymətli Kağızlar üzrə Dövlət Komitəsinin 2011-ci ilin noyabrında birjadankənar əməliyyatlar barədə informasiya vermək vəzifəsi qoyduğu BFB noyabrda 4 informasiya verib. Noyabrda məlumatlar ayın 18-dən sonra yenilənib. Bununla bağlı BFB-yə müraciətdən sonra marketinq departamentində Turan-a bildiriblər ki, bu gündən (4 dekabr) informasiyalar hər gün yenilənəcək. 

Qeyd edək ki, QKDK 26 avqust 2011-ci ildə «Adlı investisiya qiymətli kağızların alqı-satqısı üzrə əqdlərin bağlanması qaydaları»nı qəbul edib. Normativ aktın 3.4 maddəsinə əsasən, birja öz saytında birjadankənar əqdlər barədə informasiyaları verməlidir. Bu sənədin qəbulu barədə informasiya naməlum səbəbdən 2011-ci ilin dekabrında açıqlanıb və BFB birjadankənar əqdlər barədə tam informasiyalar verib. Amma iki ay sonra heç bir izahatsız informasiyaların açıqlanması dаyandırılıb. Sonradan BFB birjadankənar əqdlər barədə öz qaydalarını elan edib. Onlara əsаsən, yalnız əqdlərin həcmi barədə, özü də aylıq hesablamada informasiya almaq olar. 

Qeyd edək ki, 14 dekabr 2012-ci ildən «Qiymətli kağızlar bazarında sui-istifadə hallarının aradan qaldırılması qaydaları» qüvvədədir. Ona əsasən, BFB insayder əqdləri barədə informasiyaları açıqlamalıdır. İndiyəcən yalnız “AXA MBASK”ın bir əqdi barədə informasiya verilib. 08B