BP: ТАР-la NABUCCO arasında böyük kommersiya fərqi vardı

Transadriatik qaz kəməri ilə Nabucco West arasında qazın qiyməti və çatdırılma xərci arasında böyük fərq vardı, deyə BP-nin “Şahdəniz” üzrə vitse-prezidenti Al Kuk jurnalistlərə bildirib. 

"ТАР-la NABUCCO arasında qazın qiyməti və çatdırılma xərci arasında böyük kommersiya fərqi vardı. Layihələr arasında başqa fərqlər də var idi", - deyə Kuk bildirib. 

Onun sözlərinə görə, 4 ildə marşrut seçimi üzrə 10-dan çox varianta baxılıb. Qərarlar 8 meyar əsasında verilib. 

Yekunda səhmdarlar qərar qəbul edib. Kukun sözlərinə görə, TANAP və TAP vasitəsilə TAP üzvü olan ölkələrə qazı sürətlə nəql etmək mümkün olacaq. Həmçinin başqa ölkələrə qaz çatdıracaq intenkonnektorlar üzrə iş gedir.

"Bu gün "Şahdəniz-2" üzərində işləyirik, ona 40 mlrd dollar investisiya qoyulacaq", - deyə Kuk bildirib. 

Onun sözlərinə görə, İtaliya və Yunanıstanla qaz alışı üzrə danışıqlar başa çatıb. Bundan əlavə, Bolqarıstanla Yunanıstan-Bolqarıstan intenkonnektorunun tikintisi üzrə danışıqlar gedir, onu ТАР-a qoşmaq planlaşdırılır. 

Bir neçə həftəyə TAP-da iştirak payı barədə qərar qəbul ediləcək, deyə Kuk qeyd edib. 

"Müxtəlif ölkələr İtaliyada qaz almaq istəyir. Təkliflərə baxacağıq və bu ölkədən şimala qaz nəqlində maraqlıyıq", - deyə Kuk bildirib. --0--