Əmlak Məsələləri Dövlət Komitəsinin bu gün, noyabrın 29-da keçirdiyi növbəti açıq hərracda 19 dövlət əmlakı özəlləşdirilib.
Qurumun mətbuat xidmətinin məlumatına görə, bu dəfəki hərracda 6 kiçik dövlət müəssisəsi, 3 istifadəsiz qeyri-yaşayış sahəsi, 2 səhmdar cəmiyyəti (“Metalqab” və “Zaqatala Kəndkimya”) və 8 nəqliyyat vasitəsi xüsusi mülkiyyətə verilib.
Hərrac nəticəsində dövlət büdcəsinə 0,5 milyon manata yaxın vəsait köçürüləcək.
Növbəti hərrac dekabrın 6-da olacaq.
ƏMDK qeyd edir ki, investorlar və əmlak sahibi olmaq istəyən vətəndaşlar üçün prosedurlar sadələşdirilib və yeni imkanlar yaradılıb. Məsələn, investor hər bir hərrac üzrə komitənin Özəlləşdirmə portalı (privatization.az) üzərindən əmlak üzrə sifariş verə, əmlakın satış qiymətinin 10% məbləğində behi elektron ödəyərək hərracda iştirak edə bilər. 08D
İqtisadiyyat
-
BMT-nin İqlim Dəyişiklikləri üzrə Çərçivə Konvensiyasının 29-cu Tərəflər Konfransı (COP29) iqlim dəyişikliyinə qarşı qlobal vahid cavab istiqamətində əhəmiyyətli bir addım atdı. Bakıdakı müzakirələrin ilk günündə iştirakçı ölkələr karbon kreditlərinin yaradılması və ticarəti qaydaları üzrə tarixi razılıq əldə etdilər. Bu qərar, BMT-nin nəzarətində olacaq çoxmilyardlıq karbon kreditləri bazarının gələn il kimi erkən bir vaxtda işə salınmasına yol açır.
-
Azərbaycan Dövlət Neft Şirkəti (SOCAR), Albaniyanın İnfrastruktur və Energetika Nazirliyi və Albaniyanın qaz şirkəti Albgaz 29-cu BMT-nin İqlim Dəyişikliyi Konfransı (COP 29) çərçivəsində bazar günü Bakıda Anlaşma Memorandumu (MoU) imzaladılar.
-
Gürcüstan Baş nazirinin birinci müavini və İqtisadiyyat və Davamlı İnkişaf naziri Levan Davitaşvilinin sözlərinə görə, Azərbaycanın yaşıl enerjisinin Gürcüstan və Qara dəniz vasitəsilə Rumıniya, Macarıstan və Bolqarıstana çatdırılmasını nəzərdə tutan "Yaşıl Enerji Dəhlizi" layihəsi investisiya qiymətləndirmə mərhələsinə daxil olub.
-
Azərbaycanın Dövlət Neft Şirkəti (SOCAR) və İtaliyanın Italgas şirkəti BMT-nin İqlim Dəyişikliyi üzrə Çərçivə Konvensiyasının 29-cu sessiyası (COP29) çərçivəsində bazar günü enerji keçidini sürətləndirmək məqsədilə əməkdaşlıq sazişi imzalayıb.
Rəy yaz