Bakı/19.09.16/Turan: AzFinance investisiya şirkəti 9 qeyri-maliyyə şirkətinin səhmlərinin Bakı Fond Birjasında market-meykerliyinə başlayır.
BFB İdarə Heyətinin qərarına əsasən, sözügedən səhm buraxılışlarının hər biri üzrə alış və satış kotirovkalarının minimal həcmi 5 min manat, alış-satış kotirovkaları üzrə qiymət dəhlizi (kotirovka spredi) 5% müəyyən edilib.
Turan-ın müşahidəsinə görə, bu il kotirovkaya çıxarılan iki (Cenubtikinriservis, Sumqayit Çorek) şirkətin illik hesabatları KİV-də açıqlanıb. 3 SC (“Cenubtikinriservis”, “Bakinsaatsenaye”, “EVRASCON”) dividend verdiyini elan edib.
İki şirkət (“AZENCO” və “Baki İxtisaslasdirilmis Mexanizasiya-7”) holdinqlərə (“Azenco Group” və “MEGA Holding”) daxildir.
Bunlardan başqa, “Baki Tikinti Materiallari”, “Savalan” və “Dernegulsenayetikinti” üzrə kotirovka əlçatandır.
Maraqlıdır ki, AzFinance investisiya şirkəti bu SC-lərin nominalı 2 manat olan səhmlərinin alış və satış qiyməti barədə informasiya verməyib.
Buna qədər AzFinance investisiya şirkəti və Azərbaycan fond bazarı bütövlükdə yalnız bir emintentin QK-nın likvidliyini təmin edib –“Holcim (Azerbaycan)” ASC: birinin nominalı 20 manat olan səhmlər 53,40 manata alınıb və investorlara 56 manata təklif edilib.
Market-meyker rolu qiymətli kağızların likvidliyinin yaradılmasından ibarətdir. 08B
İqtisadiyyat
-
Azərbaycanın kənd təsərrüfatı sektoru 2024-cü ilin yanvar-sentyabr aylarında ötən ilin eyni dövrü ilə müqayisədə 0,8% artaraq ümumi istehsal dəyəri 10,4185 milyard manat təşkil edib, Dövlət Statistika Komitəsinin (DSK) məlumatına görə.
-
29 oktyabr tarixində Azərbaycan Respublikası Nazirlər Kabineti Şərqi Zəngəzur iqtisadi rayonuna daxil olan Cəbrayıl rayonu ərazisində dövlət mülkiyyətinə aid 229 hektar torpaq sahəsinin ilkin mərhələdə 50 meqavat, ümumilikdə isə 100 meqavat gücündə günəş elektrik stansiyasının inkişafı üçün ayrılması barədə qərar qəbul edib. Bu layihə Azərbaycanın 2021-ci il Elektrik enerjisi istehsalında bərpa olunan enerji mənbələrindən istifadə haqqında Qanununda müəyyən edilmiş enerji potensialının artırılması strategiyasının bir hissəsidir.
-
Azərbaycan Prezidenti İlham Əliyev oktyabrın 29-da mərkəzləşdirilmiş elektron informasiya sisteminin və sosial sığortanın dövlət idarəçiliyinin təkmilləşdirilməsi ilə bağlı bir sıra dəyişikliklərin edilməsi haqqında fərman imzalayıb. 2019-cu ildə yaradılmış və 2021-ci ildə əlavə və dəyişikliklər edilən qanunvericilik bazasına əsaslanan fərman sosial müdafiə və icbari dövlət sığortası ilə məşğul olan dövlət orqanları arasında koordinasiyanı gücləndirmək məqsədi daşıyır.
-
Azərbaycanın COP29 Əməliyyat Şirkəti Bakıda keçiriləcək COP29 iqlim sammitinin keçirildiyi Olimpiya Stadionunun enerji təchizatı üçün tərəfdaşları ilə yaşıl enerji təşəbbüslərini irəli sürür və Azərbaycanın müxtəlif regionlarında davamlılığı təşviq edir.
Rəy yaz