2015-ci ilin IV rübündə Azərbaycan 1 tonu $193-dan 372,9 min ton buğda idxal edib, deyə Dövlətstatkomda Turan-a bildiriblər.
Ötən il Azərbaycan xaricdən 1 mln 353 min ton buğda alıb. Bu, əvvəlki ildəkindən (1 mln 195,6 min ton) 13,2% çoxdur.
Buğdanın çoxu (1 mln 234,6 min ton) Rusiyadan alınıb.
2015-ci ildə 1 ton buğda Azərbaycan gömrüyündə $219-dan bəyan edilib. Bu, 2014-cü ildəkindən $26,8 azdır.
DSK-nın məlumatına görə, 2015-ci ildə Azərbaycanda buğda istehsalının həcmi 1 mln 687,7 min ton olub. Bu, 2014-cü ildəkindən 16,5% çoxdur. 1 ha-dan məhsuldarlıq (31,3 sentner) 30,4% artıb.
Müstəqil ekspert Vahid Məhərrəmov hesab edir ki, Azərbaycan buğdasından heyvandarlıq və quşçuluqda istifadə edilir. Ərzaq taxılına olan tələbat idxaldan asılıdır.
Kənd Təsərrüfatı Nazirliyinin mütəxəssisləri çörək kombinatlarına tövsiyə edir ki, yerli və idxal buğdasını müəyyən nisbətdə qarışıdırsınlar. 08B
İqtisadiyyat
-
Dekabrın 21-də Azərbaycan və Rusiya arasında “Şimal-Cənub” beynəlxalq nəqliyyat dəhlizi ilə tranzit yükdaşımaların inkişafı məqsədilə əməkdaşlıq haqqında Saziş imzalanıb.
-
Yüzlərlə yük maşını Qazaxıstanın Kurık limanında ilişərək Azərbaycana bərə ilə keçmək üçün bir neçə gün gözləyir, lada.kz portalı xəbər verir. Bu durğunluq bərələrin azlığı, əlverişsiz hava şəraiti və Rusiyaya qarşı sanksiyaların genişlənməsi səbəbindən marşrutların dəyişdirilməsi ilə əlaqədardır.
-
Müstəqil Sənayeçilər və İş Adamları Dərnəyinin (MÜSİAD) üzvləri son üç il ərzində Azərbaycanın iqtisadiyyatına 61,3 milyon manat sərmayə yatırıb. Bu barədə "MÜSİAD Azərbaycan" İdarə Heyətinin sədri Rəşad Cabirli mətbuat konfransında bildirib.
-
Qlobal iqtisadiyyat davamlı problemlərlə üzləşdiyi bir vaxtda, Çin ilə Azərbaycan arasındakı ticarət azalma tendensiyalarını üstələyərək əhəmiyyətli artım nümayiş etdirib. Azərbaycanın rəsmi statistikasına əsasən, 2023-cü ildə iki ölkə arasındakı ticarət dövriyyəsi 3,1 milyard ABŞ dollarına çatıb. Yalnız 2024-cü ilin ilk on ayında ticarət həcmi illik hesablamada 17,1% artaraq 3,02 milyard ABŞ dollarına yüksəlib və illik ticarət göstəricisinin rekord səviyyəyə çatacağı gözlənilir.
Rəy yaz