Əmlak Məsələləri Dövlət Komitəsi (ƏMDK) 6-cı dəfə "Cəlilabad-şərab" SC-nin səhmlərindən qurtulmaq istəyir.
Cəlilabad Şərabçılıq zavodunun səhmlərinin 99,97%-nin satışı üzrə təkrar investisiya müsabiqəsi elan edilib. İlk dəfə müəssisənin səhmləri 2007-ci ildə satışa çıxarılıb. Bu illərdə tələb dəyişməyib – müəssisənin fəaliyyətinin bərpası.
İddiaçılar dövlət büdcəsinə ən azı 500 000 manat ödəmək öhdəliyi götürməlidir. Bu, zavodun nizamnamə kapitalından altı dəfə azdır.
Son 4 ildə SC-nin maliyyə vəziyyəti dəyişməyib: fevralın 1-i üçün öhdəlikləri 473 min manat, debitor borcları 28,7 min manat təşkil edir.
Cəlilabad rayonunda səhmləşdirmə yolu ilə biri investisiya müsabiqəsi yolu ilə olmaqla iki şərab zavodu satılıb. 08D
İqtisadiyyat
-
Dekabrın 21-də Azərbaycan və Rusiya arasında “Şimal-Cənub” beynəlxalq nəqliyyat dəhlizi ilə tranzit yükdaşımaların inkişafı məqsədilə əməkdaşlıq haqqında Saziş imzalanıb.
-
Yüzlərlə yük maşını Qazaxıstanın Kurık limanında ilişərək Azərbaycana bərə ilə keçmək üçün bir neçə gün gözləyir, lada.kz portalı xəbər verir. Bu durğunluq bərələrin azlığı, əlverişsiz hava şəraiti və Rusiyaya qarşı sanksiyaların genişlənməsi səbəbindən marşrutların dəyişdirilməsi ilə əlaqədardır.
-
Müstəqil Sənayeçilər və İş Adamları Dərnəyinin (MÜSİAD) üzvləri son üç il ərzində Azərbaycanın iqtisadiyyatına 61,3 milyon manat sərmayə yatırıb. Bu barədə "MÜSİAD Azərbaycan" İdarə Heyətinin sədri Rəşad Cabirli mətbuat konfransında bildirib.
-
Qlobal iqtisadiyyat davamlı problemlərlə üzləşdiyi bir vaxtda, Çin ilə Azərbaycan arasındakı ticarət azalma tendensiyalarını üstələyərək əhəmiyyətli artım nümayiş etdirib. Azərbaycanın rəsmi statistikasına əsasən, 2023-cü ildə iki ölkə arasındakı ticarət dövriyyəsi 3,1 milyard ABŞ dollarına çatıb. Yalnız 2024-cü ilin ilk on ayında ticarət həcmi illik hesablamada 17,1% artaraq 3,02 milyard ABŞ dollarına yüksəlib və illik ticarət göstəricisinin rekord səviyyəyə çatacağı gözlənilir.
Rəy yaz