© notcub@flickr.com
Ceyhandakı terminal Azərbaycandan neftin qəbulunu ən azı fevralın 9-na kimi dayandırıb
Bakı/06.02.23/Turan: Azərbaycan xam neftini dünya bazarlarına daşımaq üçün qəbul edən Türkiyənin Ceyhan şəhərindəki terminal 6-8 fevralda bağlı olacaq, dünya KİV-ləri xəbər verir ki, buna səbəb zəlzələnin vurduğu ziyanın hesablanmasıdır.
Səhər saatlarında zəlzələ ilə əlaqədar terminalda kiçik neft sızması müşahidə edilsə də, sonradan vəziyyət bərpa olunub.
Lakin bazar ertəsi axşam, ən azı fevralın 9-na kimi Azərbaycandan kəmərlə gələn neftin qəbul edilməməsi barədə qərar qəbul edilib.
Belə ki, Bakı-Ceyhan neft kəmərinin fəaliyyəti də dayandırılıb.
Fevralın 6-da iş gününün sonuna olan məlumata görə, “Azəri-Çıraq-Günəşli” yataqlar blokundan neft hasilatı hələ də adi qaydada, kəsilmədən davam edir, lakin Türkiyədəki çətin vəziyyətin uzanması planları dəyişə bilər. —0—
İqtisadiyyat
-
Azərbaycanın maliyyə vəziyyəti möhkəmlənməyə davam edir, çünki ölkənin xarici valyuta ehtiyatları 2025-ci il yanvarın 1-nə olan vəziyyətə görə 71 milyard dollar həcmində artıb. Bu rəqəm, həmçinin Azərbaycan Dövlət Neft Fondu (SOFAZ) və Azərbaycan Mərkəzi Bankının (AMB) ehtiyatlarını əhatə edir və ölkənin xarici borcunu xeyli üstələyir; xarici borc ehtiyatların təxminən 14 dəfə azdır. Bu güclü ehtiyat mövqeyi, Azərbaycanın maliyyə sabitliyini və hökumətin strateji iqtisadi idarəetməsini əks etdirir.
-
Azərbaycan Energetika Nazirliyinin operativ məlumatlarına görə, 2025-ci ilin yanvar ayında ölkədə 2,3 milyon ton neft (kondensatla birlikdə) və 3,9 milyard kubmetr qaz hasil edilib.
-
Azərbaycan Dövlət Neft Şirkəti (SOCAR) Albaniyada nümayəndəlik açıb və bu il konkret bir layihənin icrasına başlamağa hazırlaşır, Albaniyanın "Albgaz" şirkəti bildirib.
-
"Azərbaycan hazırda 54 orta gəlirli ölkə arasındadır". Bunu Prezident Administrasiyasının İqtisadi məsələlər və innovativ inkişaf siyasəti şöbəsinin müdiri Şahmar Mövsümov fevralın 10-da Bakıda Dünya Bankının "Dünya İnkişaf Hesabatı 2024" təqdimatında deyib.
Rəy yaz