«Xəzər Beynəlxalq İnvestisiya Şirkəti» (CİİC) QSC-nin Müşahidə Şurası ötən həftə mövcud layihələrin icrasının gedişini müzakirə etmək üçün İstanbulda toplaşıb.
CİİC Bakı baş ofisində Turan-a bildiriblər ki, MŞ-nın iclasında heç bir prinsipial qərar qəbul edilməyib. Fondun maliyyələşdirdiyi layihə sayı əvvəlki kimi qalır. Səhmdarların tərkibində dəyişiklik yoxdur.
Azərbaycanı CİİC Müşahidə Şurasında «Azərbaycan İnvestisiya Şirkəti»nin (AİC) icraçı direktoru Rövşən Nəcəf təmsil edir.
Bu ilin sonuna kimi MŞ bir sıra layihələrə baxmalıdır. «Maliyyələşmə üçün minimum bir layihə seçəcəyimizi gözləyirik», deyə CİİC-də bildiriblər.
Hazırda CİİC-in investisiya portfeli 3 layihədən ibarətdir. Fondun hesabına bu layihələrə $13,4 mln ayrılıb. Bunlar Gəncədə anbar kompleksi ($5,5 mln), “Villa Badam” ($6,4 mln) yaşayış kompleksi və “A-agro” kənd təsərrüfatı müəssisəsidir ($1,5 mln).
CİİC 2008-ci ilin martında Azərbaycanda təsis edilib. Fond şəriət prinsipləri ilə işləyir. Nizamnamə kapitalı $31 mln-dur və belə bölünüb: AİC - 24,1%, İslam İnkişaf Korporasiyası – 18%, İslam İnkişaf Bankı 27,1%, “AREF” investisiya qrupu – 14,5% və “Al-Ahmar” qrupu – 16,3%. 08D
İqtisadiyyat
-
Azərbaycan Prezidenti İlham Əliyev bazar ertəsi günü sosial rifahın yaxşılaşdırılmasına yönəlmiş sərəncam imzalayıb. Sərəncama əsasən, ölkədə minimum aylıq əməkhaqqı 1 yanvar 2025-ci ildən etibarən 400 manat (235 ABŞ dolları) müəyyən edilib.
-
Türkiyə şirkətləri YDA və ASFAT Qazaxıstanın Kurık limanı yaxınlığında gəmiqayırma zavodu tikməyi planlaşdırır. Bu təşəbbüs Qazaxıstanın daxili donanma çatışmazlığını həll etmək məqsədini daşıyır. Qazaxıstanın Nəqliyyat Naziri Marat Karabayev bu barədə bazar ertəsi parlament sessiyasında məlumat verib. Layihə, Qazaxıstanın dəniz imkanlarını və logistika infrastrukturunu gücləndirmək ambisiyalarını vurğulayır.
-
Qazaxıstanın Nəqliyyat Naziri Marat Karabayev ölkənin Avrasiyada aparıcı nəqliyyat və logistika mərkəzinə çevrilməsi üçün cəsarətli yol xəritəsini təqdim etdi. Bazar ertəsi parlamentdə çıxış edən Karabayev, Şərq-Qərb və Şimal-Cənub dəhlizləri arasında illik 1 trilyon dollarlıq yük axınından pay almaq strategiyalarını ətraflı izah etdi.
-
ASCO-ya məxsus təmir olunmuş “Şahdağ” bərəsi Azərbaycan-Kazaxıstan marşrutu üzrə fəaliyyətini bərpa edərək Xəzər dənizinin hər iki tərəfindəki limanlarda yük maşınlarının sıxlığını azaltmağı hədəfləyir.
Rəy yaz