Çin yuanı ARDNF-nin valyuta səbətinə daxil edilə bilər

Bu il Azərbaycan Dövlət Neft Fondu (ARDNF) fondun valyuta səbətinə Çin yuanını daxil edə bilər. Bunu Fondun rəhbəri Şahmar Mövsümov bildirib.

Onun sözlərinə görə, fondun bütün aktivləri, o cümlədən investisiya portfeli xarici valyutada saxlanılır. “Dövlət Neft Fondunun aktivləri diversifikasiya məqsədilə əsasən ABŞ dolları, avro, Böyük Britaniya sterlinqin həmçinin digər valyutalarda saxlanılır. Dövlət Neft Fondu aktivlərini xarici valyutada saxladığı üçün manatın məzənnəsinin dəyişməsinin aktivlərin real dəyərinə heç bir təsiri yoxdur”,- Mövsümov deyib.

 «Beləliklə, məzənnə dəyişməsi nəticəsində yaranan fərq ziyan da ola bilər, mənfəət də. O, uçot xarakterli olduğu üçün ARDNF aktivlərinə heç bir təsir etməyəcək», - deyə Mövsümov bildirib.

O qeyd edib ki, investisiya siyasəti çərçivəsində ARDNF-in aktivlərinin 50 faizi qədəri Amerika dollarında, 35 faizə qədəri avroda, 5 faizə qədəri Britaniya funtu ilə saxlanılır. Aktivlərin qalan 10 faizi isə digər valyutalarda – Rusiya rublu, Avstraliya dolları, Koreya vonu və Türkiyə lirəsində yerləşir. “2015-cu il ərzində biz Çin yuanının fondunun valyuta səbətinə əlavə edilməsi məsələsinə baxacağıq”. Fond rəhbəri bildirib ki, gələcəkdə də Dövlət Neft Fondu maliyyə bazarında imkanlarını nəzərə alaraq valyuta səbətinin diversifikasiyasını davam etdirəcək. 2015-ci il yanvarın 1-i üçün ARDNF-in aktivləri (35 877,5 milyon dollar) 2014-cu ilin əvvəli ilə müqayisədə 3,42 faiz artaraq 37 104,1 milyon dollar təşkil edib.. --17D—