Daha bir xarici əczaçılıq şirkəti Azərbaycanda əczaçılıq zavodu tikmək planını açıqlayıb
Fevralın 8-də “Azərbaycan İnvestisiya Şirkəti” ASC və Birləşmiş Ərəb Əmirliklərinin “VPS Healthcare” şirkəti arasında Azərbaycanda yeni əczaçılıq zavodunun tikintisini nəzərdə tutan Anlaşma Memorandumu imzalanıb. Tərəflər birgə investisiya əsasında dərman preparatları istehsalı məsələsini razılaşdırıblar, deyə İqtisadiyyat Nazirliyinin mətbuat xidməti bildirir.
“VPS Healthcare”ın Dubayda “LİFEPharma” əczaçılıq zavodu var. Şirkətin daha bir əczaçılıq zavodu Əbu Dabidə tikilir.
Şirkətin 20 ixtisaslaşmış klinikası, Birləşmiş Ərəb Əmirlikləri ilə yanaşı, Səudiyyə Ərəbistanı, Oman, Qətər və Hindistanda 13 brenddə xəstəxana və sağlamlıq mərkəzləri var.
2016-cı ildə AİŞ Azərbaycanda əczaçılıq zavodu tikəcək iki şirkətin kapitalına daxil olub. “Hayat Pharm” MMC və “Caspian Pharmed” MMC Pirallahı Sənaye Parkında fəaliyyət göstərəcək. Azərbaycan-Rusiya “Hayat Pharm” MMC-yə (AİŞ-in payı 10%) investisiya $74 mln, Azərbaycan-İran “Caspian Pharmed” (AİŞ - 25%) MMC-yə $22,1 mln investisiya qoyulur.
İqtisadiyyat Nazirliyinin məlumatına görə, Avropa ölkələrinin, Türkiyə və Yaponiyanın aparıcı şirkətləri ilə danışıqlar aparılır. 08D
İqtisadiyyat
-
İqtisadiyyat Nazirliyində yerli istehsalın stimullaşdırılması və ixrac potensialının genişləndirilməsi yollarının araşdırılması məqsədilə iyulun 26-da qeyri-neft sənayesi sahibkarları ilə görüş keçirilib.
-
Azərbaycanın internet provayderləri “Aztelekom” və “Baktelekom” avqustun 15-də qiymət strukturunda böyük dəyişikliklər edəcək. Yeni tariflərə əsasən, minimum internet sürəti 100 Mbit/s-dək artacaq, Mbit/s-nin qiyməti 0,45 AZN-dən 0,25 AZN-ə enəcək. Müvafiq olaraq, ödəniş 100 Mbit/s üçün 25 AZN, 150 Mbit/s üçün 30 AZN, 250 Mbit/s üçün 36 AZN-ə uyğunlaşdırılacaq.
-
Müstəqil ekspertlər Azərbaycanın ticarət dövriyyəsinin və ödəniş profisitinin azalması səbəbindən öz valyutası manatın növbəti devalvasiyası ərəfəsində ola biləcəyini ehtimal edirlər. Gözlənilən iqtisadi düzəlişlər valyuta axınının azalması və neft hasilatının azalması fonunda baş verir.
-
Azərbaycanın Xarici İşlər Naziri Ceyhun Bayramov bu gün Azərbaycan Xarici İşlər Nazirliyində Somalinin Xarici İşlər və Beynəlxalq Əməkdaşlıq Naziri Əhməd Moallim Figi ilə görüşüb. Bu görüş, əvvəlki gün Figi ilə Azərbaycanın İqtisadiyyat Naziri Mikail Cabbarov arasında keçirilmiş müzakirələrdən sonra baş tutub.
Rəy yaz