Daşınmaz əmlak qeydiyyatı 11,7% artıb

Bu ilin iki ayında Azərbaycanda 25 min daşınmaz əmlak obyekti qeydiyyata alınıb. Bu, ötən ilin eyni dövründəkindən 11,7% çoxdur. Mütəxəssislər bu aktivliyi ötən ilin yayında ”ASAN Xidmət”in işə salınması ilə bağlayırlar. ”ASAN Xidmət” həm də daşınmaz əmlakın təkrar qeydiyyatı və daşınmaz əmlak obyektlərinin yüklülüyü barədə çıxarış verir. 

ƏMDK Daşınmaz Əmlak Dövlət Qeydiyyatı Xidmətinin məlumatına əsasən, daşınmaz əmlak hüququnun təkrar qeydiyyatının artım dinamikası (12,4%) daşınmaz əmlakın bazarının ilkin seqmentini (10,1%) keçib. Daşınmaz əmlak bazarının xüsusi çəkisi (17,6 min) portfeldə 70,6% olub.

2013-cü ilin yanvar-fevralında 8,6 min mənzilə hüquq qeydiyyata alınıb. Bu, 2012-ci ilin eyni dövründən 4,2% çoxdur. Bunun 1214-ü mənzil fondunun özəlləşdirilməsinin payına düşür. Martın 1-i üçün Azərbaycanda 469 min mənzil özəlləşdirilib. 

Əməliyyat həcmində torpaq sahələri liderdir – bu ilin 2 ayında  9,5 min torpaq sahəsi. Ötən ilin eyni dövrü ilə müqayisədə torpaq bazarında aktivlik 17,1% artıb. 

Qeyri-yaşayış bazarında (796) aktivlik (+75%) qeydə alınıb. 

Bu il 5 178 fərdi ev və bağ evinə hüquq qeydiyyata alınıb. Bu, 2012-ci ilin eyni dövründən 10,4% çoxdur. 

Əvvəlkitək Bakı investorlar üçün ən cəlbedici regiondur. Bu ilin 2 ayında 9,3 daşınmaz əmlak obyektinə hüquq rəsmiləşib. 2013-cü ilin yanvar-fevralında mülkiyyət hüququ verilən mənzillərin 72,2%-i, qeyri-yaşayış sahələrinin 82,5%-i (657) Bakıda yerləşir. 08D