DB Azərbaycan sənayesində İKT-dən istifadə səviyyəsini qiymətləndirir

Dünya Bankı Azərbaycan sənayesində informasiya texnologiyalarından istifadə səviyyəsini, o cümlədən İKT-dən istifadə edənlərin  bacarıqlarını qiymətləndirməyə başlayır. Dövlətstatkoma görə, 2013-cü ildə ölkədə müəssisələrin 57%-i kompüterdən istifadə edib.

Bakıda səfərdə olan DB missiyası noyabrın 3-də Dövlət Statistika Komitəsi sədrinin müavini Yusif Yusifovla görüşüb.

Azərbaycanda İKT bacarıqlarının qiymətləndirilməsi Dünya Bankının McKinsey Şirkəti ilə birgə hazırladığı Məkan Hazırlığı İndeksi (LRI) meyarına əsaslancaq. Bu indekslər sorğulara verilən cavablar, müsahibələr nəticəsində əldə olunan informasiya və ictimaiyyətə açıq olan ikinci dərəcəli məlumatlar əsasında müəyyən ediləcək. 

Əsas nəticə mövcud imkanların qısa qiymətləndirilməsindən ibarət olacaq ki, bu da İT/İT ES sənayesində mövcud olan imkan və əngəllərin müəyyənləşdirilməsi üçün əsas rol oynayacaqr.

2005-2007-ci illərdə Mingəçevirdə elektron cihazlar və kompüterlər istehsal edən “Kür” zavodu istismara verilib. 2007-ci ildə burda 120 min monitor buraxılıb. Sonra müəssisə fəaliyyətini dayandırıb. Kompüter texnikası yığan başqa müəssisələr də olub.

İlin əvvəli üçün kompüterlərdən istifadə edən müəssisələrin sayı ötən illə müqayisədə 11,2% artıb. Kompüterlərdən 11,5 min müəssisədə istifadə edilir. DSK-ya görə, bu müəssisələrdə 172,7 min nəfərin internetə çıxışı var. Bu, 2012-ci ildəkindən  16,4% çoxdur. 

Dövlətstatkoma görə, bu ilin I yarısında kompüter və başqa elektron texnika istehsalı 26,7% azalıb.

2013-cü ildə Azərbaycana kommersiya məqsədi ilə  $260 mln məbləğində İKT malları idxal edilib. Bu, 2012-ci ildəkindən  18,8% azdır. 08D