Azərbaycan Hesablama Palatası 3 dekabrda Kollegiya iclasında dövlət büdcəsinin dövlət əsaslı vəsait qoyuluşundan və ehtiyat fondundan Xızı rayon İcra Hakimiyyətinə, dövlət büdcəsindən Azərbaycan Respublikasının Diasporla İş üzrə Dövlət Komitəsinə ayrılan vəsaitlərin istifadəsinin audit proqramını müzakirə edib.
Bundan başqa, Ağstafa və Astara rayonları üzrə dövlət torpaq fondunun (o cümlədən dövlət mülkiyyətində olan torpaqların) bölgüsü, istifadə vəziyyəti və onun barəsində verilmiş sərəncamların uyğunluğuna dair auditin nəticələrinə baxılıb. Materiallar baxılmaq üçün parlamentə göndərilib.
Kollegiya iclasında həmçinin Abşeron rayon İcra Hakimiyyətinin kommunal təsərrüftalarında, Səhiyyə Nazirliyinin 1 nömrəli Respublika Psixiatriya xəstəxanasında, Gigiyena və Epidemiologiya Mərkəzində, “Aqrolizinq” ASC-nin Şəki regional logistik bazası və Şəki rayon aqroservis filialında audit planı təsdiq edilib.
Hesablama Palatası 7 dekabr 2001-ci ildən fəaliyyət göstərir və büdcə vəsaitlərinin xərclənməsinə nəzarət edir. Rəhbər işçilər (kollegiya üzvləri – sədr, müavinləri və 7 auditor) 7 ildə bir dəfə seçilir.
Hesablama Palatası bir qayda olaraq yoxlamalarının nəticələrini açıqlamır. Bəzən ümumi nəticələri elan edir, konkret fakt və rəqəmlər gətirmir.
“İnformasiya əldə edilməsi haqqında” Qanunun 6.0.3 maddəsinə əsasən, büdcə vəsaitlərinin yoxlanması barədə informasiyanın yayılması dövlət strukturlarının, o cümlədən Hesablama Palatasının vəzifəsidir. --17D—
İqtisadiyyat
-
2024-cü ildə qlobal ərzaq qiymətləri azalsa da, Azərbaycan bu tendensiyanı pozaraq ərzaq xərclərinin artımını qeydə aldı. Ekspertlər hesab edirlər ki, daxili bazarın qorunması üçün kənd təsərrüfatı istehsalının təcili olaraq genişləndirilməsi zəruridir.
-
Avropa İttifaqının ən böyük iqtisadiyyatlarından biri olan İtaliya, 2024-cü ildə daxili qaz istehlakındakı əhəmiyyətli azalmaya baxmayaraq, Azərbaycan təbii qazının əsas idxalçısı mövqeyini möhkəmləndirdi. Ölkə illik 61,7 milyard kubmetr qaz tələbatının böyük hissəsini ödəyərək 58,7 milyard kubmetr qaz idxal etdi ki, bu da 2023-cü illə müqayisədə 2,5% azalma deməkdir. Bu məlumat İtaliyanın enerji bazarı tənzimləyicisi GME tərəfindən yayımlanıb və İtaliyanın enerji mənbələri və istehlak nümunələrindəki dəyişiklikləri vurğulayır.
-
Şahdəniz qaz-kondensat yatağının operatoru olan BP bazar günü elan edib ki, Şahdəniz Alfa platformasında istehsal 18 yanvar axşamından bərpa edilib. Bu, Şahdəniz Alfa platforması ilə Səngəçal terminalı arasındakı sualtı kondensat ixrac boru kəmərində texniki problemin tam həllindən sonra baş verib.
-
SOCAR prezidenti Rövşən Nəcəf 18 yanvar tarixində Pakistanın Dövlət Neft Naziri Musadik Malik ilə görüşüb. SOCAR-ın məlumatına görə, müzakirələr zamanı enerji sahəsində birgə həyata keçirilən layihələr, əldə edilən nəticələr və müxtəlif sahələrdə, o cümlədən neft məhsulları ticarəti sahəsində əməkdaşlıq imkanları müzakirə olunub.
Rəy yaz