Deputatlar hökumətin ötən il iqtisadiyyatın inkişafı haqqında hesabatını təsdiq etməyə hazırdır

Martın 14-də axşam saatlarında Azərbaycan hökumətinin ölkənin ötən ilki sosial-iqtisadi inkişafı haqqında parlament hesabatı təsdiq ediləcək. Bunu deputatların çıxışları göstərir. Kiçik istisna ilə, deputatlar Kabinetin fəaliyyətindən razıdırlar.

Milli Məclisdə çıxış edən baş nazir Artur Rasizadə mahiyyətçə prezidentin daxili uğurlar və dövlətin beynəlxalq imicinin möhkəmləndirilməsi haqqında yanvar tezislərini təkrar edib. Statistik məlumatlara görə, ümumi daxili məhsul 57,7 mlrd. manata (bir il əvvəl olduğundan 5,8% çox) və ya adambaşına 6207,3 manata (7912,5 dollar) çatıb. Onun fikrincə, iqtisadiyyatın müxtəlifləşdirilməsi görünməmiş templərə çatıb - iqtisadiyyatın qeyri-neft sektorunun artımı 9,8%, bu zaman həyata keçirilmiş əlavə dəyər 32,6 mlrd. manat  təşkil edib.

Ölkənin xarici ticarət dövriyyəsi 34 mlrd. 687 mln. (+3,35%), müsbət saldo 13,27 mlrd. dollar təşkil edib. 2 min 111 adda məhsulun ixracının payına 23 mlrd. 975 mln., 6 min 159 adda məhsulun idxalına 10 mlrd. 712 mln. (bir ildə +10,95%) düşüb. Ənənəvi olaraq, son ilin ən böyük ticarət tərəfdaşı İtaliya olub, ikinci yerdə İndoneziya, üçüncü yerdə Rusiya gəlir.

2003-cü ildən investisiyaların ümumi həcmi 127,5 mlrd. manata (155,6 mlrd. dollar) bərabərdir, deyə baş nazir bildirib. Bu ilin əvvəlinə olan məlumata görə, Azərbaycanda əmək qabiliyyətli əhalinin sayı 4 mln. 757,8 min nəfərdir, onların 236,6 min nəfəri iqtisadiyyatın hər-hansı sahəsində işləmir. 1 yanvar 2014cü ilə olan məlumata görə, əhalinin nominal pul gəlirləri 37,6 mlrd. manat (bir ildə +6,65%), orta aylıq əmək haqqı 423 manat (bir ildə +8%) təşkil edib. İlin sonuna əhalinin adambaşına gəliri 4 min 39,6 manat təşkil edib. -17D-