![Dörd Avropa ölkəsinin dövlət başçıları Azərbaycan prezidentini NABUCCO-ya dəstək verməyə çağırıb](https://turan.az/resized/750/500/resize/media/2013/main/062000040154.jpg)
- İqtisadiyyat
- 20 İyun 2013, 15:00
- 78
Dörd Avropa ölkəsinin dövlət başçıları Azərbaycan prezidentini NABUCCO-ya dəstək verməyə çağırıb
Avstriya, Bolqarıstan, Macarıstan və Rumıniya prezidentləri Azərbaycan prezidenti İlham Əliyevə məktubda Nabucco qaz kəmərinin tikintisinə dəstək ifadə ediblər.
Nabucco konsorsiumunun bəyanatında deyilir ki, Avstriya prezidenti Hayns Fişer Bratislavada bu barədə jurnalistlərə məlumat verib. İlham Əliyevə məktubda prezidentlər bildirib ki, bu qaz kəməri enerji daşıyıcılarının idxalının şaxələnməsinə yönəlib. Fişer deyib ki, dörd prezidentin təşəbbüsünü Türkiyə də dəstəkləyib.
Avstriya prezidenti qeyd edib ki, Nabucco-nun əsas üstünlüyü Rusiyadan idxaldan asılı olan Mərkəzi və Şərqi Avropanın enerji təchizatını şaxələndirməkdir.
Rumıniya prezidenti Troyan Basesku bəyan edib ki, Nabucco təkcə ərazisindən keçdiyi ölkələrə yox, Polşa da daxil başqa ölkələrə də faydalı olacaq. Başqa variantlardan fərqli olaraq, Nabucco Xəzər qazını strateji qaz mərkəzi Baumqartenə (Avstriya) çatdıracaq, bu isə Avropa bazarını geniş əhatə etməyə imkan verəcək.
Qeyd edək ki, prezidentlər Bratislavada Mərkəzi və Şərqi Avropa dövlət başçılarının 2 günlük sammitində iştirak ediblər.
Nabucco Gas Pipeline International GmbH konsorsiumunun baş direktoru Reynhard Mitçek bunları deyib: "Prezidentlərin Nabucco-ya dəstək bəyanatı göstərir ki, Nabucco Cənub qaz dəhlizi üçün strateji layihədir. Siyasi dəstək, həmçinin Nabucco Open Season-a böyük maraq Xəzər qazına böyük marağı göstərir. Türkiyənin dəstəyi də çox mühümdür. Əvvəlkitək əminik ki, Nabucco-nun Mərkəzi və Cənub-Şərqi Avropa və Balkanlara çıxış imkanı yaratması “Şahdəniz” qazının Avropaya Nabucco vasitəsilə çatdırılacağına zəmanət verir". --0--
-
- Cəmiyyət
- 20 İyun 2013 14:59
-
- İqtisadiyyat
- 20 İyun 2013 15:04
İqtisadiyyat
-
İqtisadiyyat Nazirliyində yerli istehsalın stimullaşdırılması və ixrac potensialının genişləndirilməsi yollarının araşdırılması məqsədilə iyulun 26-da qeyri-neft sənayesi sahibkarları ilə görüş keçirilib.
-
Azərbaycanın internet provayderləri “Aztelekom” və “Baktelekom” avqustun 15-də qiymət strukturunda böyük dəyişikliklər edəcək. Yeni tariflərə əsasən, minimum internet sürəti 100 Mbit/s-dək artacaq, Mbit/s-nin qiyməti 0,45 AZN-dən 0,25 AZN-ə enəcək. Müvafiq olaraq, ödəniş 100 Mbit/s üçün 25 AZN, 150 Mbit/s üçün 30 AZN, 250 Mbit/s üçün 36 AZN-ə uyğunlaşdırılacaq.
-
Müstəqil ekspertlər Azərbaycanın ticarət dövriyyəsinin və ödəniş profisitinin azalması səbəbindən öz valyutası manatın növbəti devalvasiyası ərəfəsində ola biləcəyini ehtimal edirlər. Gözlənilən iqtisadi düzəlişlər valyuta axınının azalması və neft hasilatının azalması fonunda baş verir.
-
Azərbaycanın Xarici İşlər Naziri Ceyhun Bayramov bu gün Azərbaycan Xarici İşlər Nazirliyində Somalinin Xarici İşlər və Beynəlxalq Əməkdaşlıq Naziri Əhməd Moallim Figi ilə görüşüb. Bu görüş, əvvəlki gün Figi ilə Azərbaycanın İqtisadiyyat Naziri Mikail Cabbarov arasında keçirilmiş müzakirələrdən sonra baş tutub.
Rəy yaz