Cəlilabad İH Dövlət Torpaq Fondundan 1300 ha torpağı müsabiqəyə çıxarıb. Müsabiqənin şərtləri açıqlanmır.
Dövlət Torpaq və Xəritəçəkmə Komitəsi 22 noyabrda 191 torpaq sahəsinin satışı və icarəyə verilməsi barədə məlumat yayıb. Cəlilabad rayonundakı torpaq da onların arasındadır və start qiyməti ildə 13000 manat olmaqla uzunmüddətli icarəyə verilir.
2010-cu ildə dövlət başçısı Nazirlər Kabinetinə tapşırıb ki, dövlət ehtiyat fondu hesabına dənli bitkilər üçün əkin sahələrinin genişləndirilməsi məsələsinə baxsın. Bir sıra məlumatlara görə, bu məqsədlə 250 min ha torpaq ayrılıb.
2012-ci ilin avqustunda ilk müsabiqə keçirilib və Ağcabədi (3300 ha) və Beyləqan (1500 ha) torpaq sahələri “Qarabağ Taxıl”a (“Dəvəçi Broyler”in törəməsi) 49 illiyə icarəyə verilib. Müsabiqənin şərtlərinə əsasən, “Qarabağ Taxıl” burda dənli bitkilər becərəcək. Dövlət bu təsərrüfatlarda suvarma və elektrik sistemlərini təmin edib. Bu il “Qarabağ Taxıl” bu sahələrdən orta hesabla 50 sentner məhsul götürüb. --0-
İqtisadiyyat
-
Dekabrın 21-də Azərbaycan və Rusiya arasında “Şimal-Cənub” beynəlxalq nəqliyyat dəhlizi ilə tranzit yükdaşımaların inkişafı məqsədilə əməkdaşlıq haqqında Saziş imzalanıb.
-
Yüzlərlə yük maşını Qazaxıstanın Kurık limanında ilişərək Azərbaycana bərə ilə keçmək üçün bir neçə gün gözləyir, lada.kz portalı xəbər verir. Bu durğunluq bərələrin azlığı, əlverişsiz hava şəraiti və Rusiyaya qarşı sanksiyaların genişlənməsi səbəbindən marşrutların dəyişdirilməsi ilə əlaqədardır.
-
Müstəqil Sənayeçilər və İş Adamları Dərnəyinin (MÜSİAD) üzvləri son üç il ərzində Azərbaycanın iqtisadiyyatına 61,3 milyon manat sərmayə yatırıb. Bu barədə "MÜSİAD Azərbaycan" İdarə Heyətinin sədri Rəşad Cabirli mətbuat konfransında bildirib.
-
Qlobal iqtisadiyyat davamlı problemlərlə üzləşdiyi bir vaxtda, Çin ilə Azərbaycan arasındakı ticarət azalma tendensiyalarını üstələyərək əhəmiyyətli artım nümayiş etdirib. Azərbaycanın rəsmi statistikasına əsasən, 2023-cü ildə iki ölkə arasındakı ticarət dövriyyəsi 3,1 milyard ABŞ dollarına çatıb. Yalnız 2024-cü ilin ilk on ayında ticarət həcmi illik hesablamada 17,1% artaraq 3,02 milyard ABŞ dollarına yüksəlib və illik ticarət göstəricisinin rekord səviyyəyə çatacağı gözlənilir.
Rəy yaz