Maliyyə naziri Samir Şərifov bazar ertəsi keçirilən mətbuat konfransında bildirib ki, 2015-ci il üçün dövlət büdcəsinə yenidən baxmağı planlaşdırmır.
O, bunu neft qiymətlərinin büdcəni təsdiq edilmiş həcmdə icra etməyə imkan verən həddə olması ilə izah edib.
2014-cü ilin noyabrında nazir qeyd edib ki, neftin bir bareli 90 dollar olaraq hesablanmış büdcə üçün, bir barelin qiyməti 60 dollardan aşağı olmadığı təqdirdə, heç bir təhlükə yoxdur.
Dövlət büdcəsi haqqında qanuna əsasən, büdcəyə düzəlişlər 30% defisit olduqda edilə bilər. Amma bu ilin fevralında Mərkəzi Bank tərəfindən manatın bir gündə 33% ucuzlaşması yolu ilə buna ehtiyac qalmadı.
Nazirin sözlərinə görə, birinci rübdə dövlət büdcəsinin defisiti 251 mln. manat təşkil edib və bu defisit ötən ilin ehtiyatları və digər gəlirlər hesabına ödəniləcək. -0-
İqtisadiyyat
-
S&P Global Ratings Azərbaycanın bank sektorunun risk qiymətləndirməsini yenidən nəzərdən keçirərək, proqnozu "sabit"dən "müsbət"ə yüksəldib.
-
Ölkədə son günlər çörəyin bahalaşdığı deyilir. Sosial şəbəkələrdə yazılır ki, çörəyin qiymətlərində 5-10 qəpik artım var. Şikayətlərə görə, Azərbaycanda "zavod çörəyi" kimi tanınan çörəyin üstündə çəki barədə məlumat tapmaq çətindir. Yəni, bir çox hallarda bu növ çörəyin üstündə çəki barədə məlumat yazılmır. Ayrı-ayrı sexlərin təndirxanalarında bişən çörəklə də bağlı alıcıya çox vaxt qiymətdən başqa heç bir məlumat verilmir.
-
Rusiya, İran və Azərbaycanın xarici işlər nazirləri, nəqliyyat nazirləri, enerji nazirləri və gömrük xidmətlərinin rəhbərləri yaxın zamanda Rəşt-Astara dəmir yolu layihəsinin icra vəziyyətini müzakirə etmək üçün üçtərəfli görüş keçirəcək. Bu barədə İranın Rusiyadakı səfiri Kazım Cəlali məlumat verib.
-
Azərbaycan və Tatarıstan enerji, maşınqayırma, neft-kimya, kənd təsərrüfatı və nəqliyyat sahələrində qarşılıqlı maraqlara əsaslanan ticarət və iqtisadi əməkdaşlığı gücləndirməkdə davam edir. İkitərəfli əlaqələr, rəsmi nümayəndə heyətlərinin müntəzəm səfərləri və beynəlxalq iqtisadi forumlarda iştirakı ilə dəstəklənən sabit inkişaf nümayiş etdirir.
Rəy yaz