Bakı/09.07.18/Turan: Dövlət Gömrük Komitəsinin rəhbərliyində kadr dəyişikliyi olub. Dövlət başçısı bu quruma iki yeni sədr müavini təyin edib.
Dövlət Gömrük Komitəsinin yeni sədr müavini İqbal Babayev 2008-ci ildən gömrük orqanlarında fəaliyyət göstərir. Bundan əvvəl Komitənin Fəaliyyətin Qiymətləndirilməsi və İnkişaf Proqramları Baş İdarəsinin rəisi, olub. I. Babayev 1964-cü ildə Yardımlı rayonunda anadan olub. 1986-cı ildə Kiyev İnşaat Mühəndisliyi Universitetini bitirib. Karyerasını bu universitetlə başlayıb. Texnika elmləri doktorudur.
Dövlət Gömrük Komitəsinin sədr müavini Cavad Qasımov gömrük sistemində 1999-cu ildən fəaliyyət göstərir. 1967-ci ildə Bakı şəhərində anadan olub, Azərbaycan Neft və Kimya İnstitutunu bitirib. "Bakı konditioneri" İB-də, Azərbaycan və Rusiyanın digər istehsal müəssisələrində işləyib. DGK-ya sədr müavini vəzifəsinə təyin edilməzdən əvvəl Gömrük Nəzarətinin Təşkili Baş İdarəsinin rəisi vəzifəsində işləyib.
Onlar vəzifədən azad edilən Nazim Məmmədov və Şahin Bağırovu əvəz edib.
Hazırda DGK sədri Səfər Mehdiyevin bir birinci müavini və 4 müavini var. 08D--
İqtisadiyyat
-
Dekabrın 21-də Azərbaycan və Rusiya arasında “Şimal-Cənub” beynəlxalq nəqliyyat dəhlizi ilə tranzit yükdaşımaların inkişafı məqsədilə əməkdaşlıq haqqında Saziş imzalanıb.
-
Yüzlərlə yük maşını Qazaxıstanın Kurık limanında ilişərək Azərbaycana bərə ilə keçmək üçün bir neçə gün gözləyir, lada.kz portalı xəbər verir. Bu durğunluq bərələrin azlığı, əlverişsiz hava şəraiti və Rusiyaya qarşı sanksiyaların genişlənməsi səbəbindən marşrutların dəyişdirilməsi ilə əlaqədardır.
-
Müstəqil Sənayeçilər və İş Adamları Dərnəyinin (MÜSİAD) üzvləri son üç il ərzində Azərbaycanın iqtisadiyyatına 61,3 milyon manat sərmayə yatırıb. Bu barədə "MÜSİAD Azərbaycan" İdarə Heyətinin sədri Rəşad Cabirli mətbuat konfransında bildirib.
-
Qlobal iqtisadiyyat davamlı problemlərlə üzləşdiyi bir vaxtda, Çin ilə Azərbaycan arasındakı ticarət azalma tendensiyalarını üstələyərək əhəmiyyətli artım nümayiş etdirib. Azərbaycanın rəsmi statistikasına əsasən, 2023-cü ildə iki ölkə arasındakı ticarət dövriyyəsi 3,1 milyard ABŞ dollarına çatıb. Yalnız 2024-cü ilin ilk on ayında ticarət həcmi illik hesablamada 17,1% artaraq 3,02 milyard ABŞ dollarına yüksəlib və illik ticarət göstəricisinin rekord səviyyəyə çatacağı gözlənilir.
Rəy yaz