Açiq mənbələrdən foto.
Bakı/16.01.21/Turan: Yanvarın 16-da Prezident İlham Əliyev “Azərlotereya” dövlət lotereya şirkətinin “Demirören Şans Oyunları Yatırımları A.Ş.” (Türkiyə) şirkətinin törəmə cəmiyyəti olan “YMT Sans B.V.” şirkətinin idarəetməsinə verilməsinə dair sərəncam imzalayıb.
Qərar “Dövlət müəssisələrinin (obyektlərinin) müqavilə əsasında idarəetməyə verilməsi haqqında” AR Prezidentinin 1996-cı il 9 fevral tarixli 437 nömrəli fərmanına uyğun olaraq verilib.
Yuxarıda qeyd olunan şirkətin necə seçildiyi məlum deyil.
Açıq mənbələrdəki məlumatlara əsasən, “Ymt Sans B.V.” şirkəti 2020-ci ildə Niderlandın Ticarət-Sənaye Palatasında 81097719 nömrə ilə qeydiyyata alınıb.
Nazirlər Kabinetinə iki ay müddətində İqtisadiyyat Nazirliyinin “Azərlotereya” ASC-nin “YMT Sans B.V.” şirkətininin idarəetməsinə verilməsinə dair müqaviləni imzalamağını təmin və təsdiq etmək tapşırılıb.
Nazirlər Kabineti bu müddət ərzində həm də lotereyaların, idman mərc oyunlarının təşkili və keçirilməsi, vergitutma, malların (işlərin və ya xidmətlərin) satın alınması sahələrində mövcud tələblərin və prosedurların sadələşdirilməsi məqsədilə normativ hüquqi aktlarının təkmilləşdirilməsinə dair təkliflər hazırlayacaq.
Prezidentin fərmanında qeyd olunur ki, “Azərlotereya” ASC-nin təhvil-təslim işləri onun idarəetməyə verilməsinə dair müqavilə imzalanandan sonra 5 ay müddətinə uzana bilər.
“Azerlotereya” ASC 2001-ci ilin noyabr ayında İqtisadiyyat Nazirliyi tərəfindən təsis edilib və tirajlı lotereyaların təşkili və keçirilməsində dövlət inhisarçısıdır.
2019-cu ildə lotereya şirkətinin gəlirləri 60 mln. manata çatıb. Bir ildə 7 mln. manat balans mənfəəti əldə edilib. Biletlərin satış distribyutorları “Caspian Tech” QSC, “Lotto Yayım” MMC, “Mobil Loto” MMC və “Azerpoçt” MMC-dir.
Demirören Holding 1956-cı ildə yaranıb və Demirören ailəsinə məxsusdur. Holdinq media, reklam, daşınmaz əmlak, turizm, sənaye, lotereya oyunlarının təşkili, rəqəmsal texnologiyalar sahəsində məşğuldur.
Holdinq 2019-cu ildən lotereya biznesində təmsil olunur. 08D
İqtisadiyyat
-
Bu il Avstraliyanın Fortescue Future Industries (FFI) holdinqinin Azərbaycanda "yaşıl" layihələrin inkişafına dair planları yenidən tənzimlənib, lakin iki il əvvəl başlayan danışıqlar davam edir, Turan-a məlumatlı mənbə bildirib.
-
Milli Məclis bazar ertəsi keçirilən iclasda 2025-ci il üçün Dövlət Sosial Müdafiə Fondunun (DSMF) büdcə layihəsini birinci oxunuşda təsdiqlədi. Layihədə gəlir və xərclərin 7,676 milyard manat səviyyəsində, yəni ötən ilə nisbətən 10,45% artımla balanslaşdırıldığı, kəsirsiz maliyyə planı nəzərdə tutulur.
-
Avropa Yenidənqurma və İnkişaf Bankının (EBRD) proqnozlarına görə, Azərbaycan 2024-cü ildə mühüm iqtisadi dəyişikliklərə hazır görünür. 2023-cü ildə siyasətçilər üçün davamlı çətinlik yaradan inflyasiyanın əhəmiyyətli dərəcədə azalması gözlənilir. Orta illik inflyasiya səviyyəsinin 8,8%-dən 3,5%-ə düşəcəyi proqnozlaşdırılır. Bununla belə, inflyasiyanın azalması fonunda ölkənin cari əməliyyatlar profisiti – xarici iqtisadi gücünün göstəricisi – ÜDM-in 9,9%-dən 8,5%-ə enəcək.
-
2024-cü ilin ilk on ayında Azərbaycanın tərəvəz və meyvə ixracı, Dövlət Statistika Komitəsinin məlumatına görə, ötən ilin eyni dövrü ilə müqayisədə fiziki çəkidə 4,1%, dəyər baxımından isə 1,7% azalıb. Kartof və fındıq kimi əsas ixrac məhsulları ciddi azalma ilə üzləşib, lakin alma, xurma və pomidor kimi məhsullar mülayim artım göstərib.
Rəy yaz