DQİ-lərin gəlirliliyi 5,5%-ə düşüb (YENİLƏNİB)

Bu gün (12 iyul) Bakı Fond Birjasında Maliyyə Nazirliyinin qısamüddətli (91 gün) dövlət istiqrazlarının yerləşdirilməsi üzrə hərrac keçirilib. Hərrac istiqrazların gəlilrliliyinin nöbvəti dəfə azaldığını göstərib.

Təklifin ümumi həcmi 10 mln manat olub. Birjanın məlumatına görə, 8 investor ümumi həcmi 41 mln manat olan 16 sifariş verib. İnvestorlar 15%-dək gəlirlilik gözləyib.

Amma tələb yüksək olduğu üçün minimal gəlirlilik 6,06%, ortaölçülmüş qiymət illik 5,51% təşkil edib.

Xatırladaq ki, ötən hərracda ortaölçülmüş gəlirlilik 6,8% olub. --08D—

2016 İyul 12 (Çərşənbə axşamı) 15:01:08

Bu gün, iyulun 12-də Bakı Fond Birjasında DQİ yerləşdirilməsi üzrə növbəti hərrac keçiriləcək. Maliyyə Nazirliyi bu dəfə ümumi nominal qiyməti 10 mln manat olan istiqrazlar yerləşdirmək niyyətindədir.

BFB-nin məlumatına görə, DQİ-lərin dövriyyə müddəti cəmi 91 gündür. Sonuncu dəfə (5 iyul) 91 günlük istiqrazlar üzrə gəlirlilik illik 6,8% təşkil edib.

DQİ-lərin gəlirliliyinin azalması inflyasiyanın nisbətən aşağı olması (illik hesablamada 10,5%) və bir sıra bankların yüksək likvidliyi ilə izah edilir. Dövlət QK-a tələb təklifdən bir neçə dəfə çoxdur. 08D